ایئر سیلفی ہوا میں اڑتی ہوئی آپ کی تصاویر کھینچے گی -
The news is by your side.

Advertisement

ایئر سیلفی ہوا میں اڑتی ہوئی آپ کی تصاویر کھینچے گی

آج کل تقریباً ہر شخص سیلفی کے بخار میں مبتلا نظر آتا ہے۔ سیلفی کے لیے درست زاویوں سے کھڑے ہونا، موبائل کو درست زاویے پر رکھنا، اور اچھی سیلفی کھینچنے کے لیے مہارت درکار ہے جو سیلفی کے دیوانوں کو ہی میسر ہے۔

لیکن اب اس تمام کھکھیڑ سے بچنے کے لیے سائنسدانوں نے ایسا کیمرہ ایجاد کرلیا ہے جو ہوا میں اڑتے ہوئے آپ کی تصاویر کھینچ سکے گا۔ اس تصویر میں صرف آپ کا منہ نہیں آئے گا بلکہ یہ ایک ڈھنگ کی تصویر ہوگی جس میں آپ سیدھے کھڑے نظر آئیں گے۔

یہ کیمرہ دراصل چھوٹا سا ڈرون کیمرہ ہے جسے ایئر سیلفی کا نام دیا گیا ہے۔ اس کی جسامت آپ کے موبائل فون جتنی ہے۔ اس کو استعمال کرنے کے لیے ضروری ہے کہ آپ اسے اپنے موبائل میں لگائیں اور اسے اپنے موبائل سے سنک کرلیں۔

airselfie-2

:طریقہ استعمال

سب سے پہلے اپنے اینڈرائڈ یا آئی فون میں ایئر سیلفی ایپ ڈاؤن لاؤڈ کریں۔ اب آپ اس کیمرے کو اپنے موبائل سے کنٹرول کر سکیں گے۔

کیمرے کو اپنی ہتھیلی پر رکھیں اور موبائل کے ذریعہ اسے اڑنے کی کمانڈ دیں۔

یہ کمانڈ 3 مختلف صورتوں میں دستیاب ہیں جنہیں آپ تصویر میں دیکھ سکتے ہیں۔

airselfie-3

airselfie-4

تصویر کھینچنے کے بعد اسے واپس فون میں لگائیں جس کے فوراً بعد کیمرے میں موجود تصاویر آپ کے موبائل میں ڈاؤن لوڈ ہوجائیں گی۔

یہ ڈرون کیمرہ دیگر ڈرونز کی نسبت کم قیمت میں فروخت کیا جائے گا۔

airselfie-5

اس کیمرے کا سب سے بڑا فائدہ یہ ہے کہ موبائل کیمرے کی سیلفی کی طرح اس میں صرف آپ کا منہ نہیں آئے گا، بلکہ آپ کا پس منظر اور آپ کے ساتھ کھڑے دیگر افراد بھی بآسانی نظر آسکتے ہیں۔

Comments

comments

یہ بھی پڑھیں