site
stats
عالمی خبریں

حلب میں فضائی بمباری سے 81 افراد جاں بحق 250زخمی

حلب : شام میں کے علاقے حلب میں فضائی حملے میں 81 معصوم شہری جاں بحق اور 250 زخمی ہوگئے ہیں جب کہ درجنوں گھرمکمل طور پرتباہ ہوگئے ہیں۔

تفصیلات کے مطابق گزشتہ رات حلب میں فضائی بمباری کے نتیجے میں 81 افراد جاں بحق اور250 زخمی ہوگئے ہیں ہلاک اور زخمی ہونے والوں میں بچے،بزرگ اور خواتین بھی شامل ہیں۔

رات گئے ہونے والی بمباری میں زیادہ تر معصوم اور بے گناہ شہری نشانہ بنے ابھی یہ واضح نہیں ہو سکا ہے کہ اس حملے میں بری فوج نے بھی استعمال ہو ئی یا نہیں تا ہم اس حملے میں بدترین جانی اور مالی نقصان ہوا ہے۔

خیال رہے حلب ، شام کا ایک قدیم تجارتی اور صنعتی مرکز ہے جو ترکی کی سرحد کے قریب واقع ہے لیکن سنہ 2012 کے بعد سے حلب باغیوں اورحکومتی افواج کے درمیان تقسیم ہوچکا ہے۔

واضح رہے حلب کے مغربی حصے پر شام کی حکومتی افواج جب کہ مشرقی حصے پر باغیوں کا قبضہ ہے حلب میں جاری لڑائی کی وجہ سے 20 لاکھ افراد شہرمیں پھنسے ہوئے ہیں۔

واضح رہے کہ شام میں 2011 میں صدر بشارالاسد کی انتظامیہ کے خلاف بغاوت کا آغاز ہوا تھا اوراس وقت سے اب تک شام بھر میں خانہ جنگی جاری ہے جس میں 3 لاکھ سے زائد افراد جاں بحق ہوچکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top