The news is by your side.

Advertisement

عائشہ عمر کی بہترین دوست اور سیلیبریٹی کون ہے؟ سوالات کے دلچسپ جواب

کراچی : ٹیلی وژن کی معروف اداکارہ اور اے آر وائی کے سٹ کام “بلبلے” میں “خوبصورت” کا کردار ادا کرنے والی اداکارہ عائشہ عمر نے اپنی شوبز کی زندگی اور ماضی کے بارے میں مداحوں کو بتا دیا۔

اے آر وائی ڈیجیٹل کے پروگرام گڈ مارننگ پاکستان میں بحیثیت مہمان خصوصی گفتگو کرتے ہوئے عائشہ عمر نے بتایا کہ میں نے8سال کی عمر میں پہلی بار پی ٹی وی کے پروگرام “میرے بچپن کے دن” کی میزبانی کی تھی۔

انہوں نے بتایا کہ منیزہ ہاشمی میری پھپھو ہیں انہوں نے ہی مجھے پہلی بار پی ٹی وی پر کام کا موقع دیا، میں نے 18سال کی عمر میں باقاعدہ اداکاری شروع کی جس کا آغاز کالج کے ایک پروگرام سے کیا اور اس کے بعد مالی لحاظ سے گھر کو سنبھالا۔

اپنے قریبی دوستوں کے حوالے سے ان کا کہنا تھا کہ میری5سب سے بہترین سہیلیاں ہیں جو بچپن سے میرے ساتھ ہیں اور آج بھی ہمارا چھ سہیلیوں کا گروپ بنا ہوا ہے میری ایک دوست لندن میں اور چار لاہور میں ہیں جبکہ میں خود کراچی میں رہتی ہوں۔

پروگرام میں گیم کھیلتے ہوئے ندا یاسر کے سوالوں کے جواب میں انہوں نے اپنے ساتھی فنکاروں سے تعلق اور اپنائیت پر اپنے خیالات کا اظہار کیا۔

ایک سوال کے جواب میں عائشہ عمر نے کہا کہ اپنی حفاظت کیلئے عدنان صدیقی کو اپنے ساتھ دیکھنا چاہوں گی، موبائل فون سیلفی کس کے ساتھ لینا پسند ہے کے جواب میں انہوں نے صبا قمر کا نام لیا۔

عائشہ عمر نے کہا کہ اگر کبھی مجھے کسی دوست کے کپڑوں کی ضرورت ہوئی تو سونیا کے ڈریسز مجھے بہت اچھے لگتے ہیں ان سے مانگ لوں گی۔

ایک سوال کے جواب میں انہوں نے بتایا کہ کوئی بھی ایسی چیز جو میں کسی کو ورثے میں دینا چاہوں یا امانتاً دینا چاہوں تو میں اسے حرا مانی کو دوں گی۔

ندا یاسر نے ایک دلچسپ سوال پوچھا کہ اگر آپ اپنے بچوں کی شادی کرنا چاہتی ہیں تو اس کیلئے اچھا سمدھی کون ثابت ہوگا؟ جس پر عائشہ عمر نے محمود خان کا نام لیا۔

ان سے پوچھا گیا کہ اگر کبھی آپ کو اختیار ملے تو کس شخصیت کا چہرہ لگانا پسند ہوگا جس کے جواب میں عائشہ نے کہا کہ مردوں میں فہد مصطفیٰ اور خواتین میں عائزہ خان کا چہرہ لگاؤں گی۔

واضح رہے کہ ٹیلی ویژن ڈراموں کی نامور اداکارہ عائشہ عمر کے متعلق مشہور ہے کہ وہ ٹی وی ڈراموں میں سب سے زیادہ معاوضہ لینے والی اداکاراؤں میں سے ایک ہیں۔ عائشہ عمر کو اسٹائل آئیکن بھی کہا جاتا ہے

Comments

یہ بھی پڑھیں