صبح تک اپوزیشن کی جانب سے اعتزاز احسن کے نام کا اعلان ہوسکتا ہے: نبیل گبول
The news is by your side.

Advertisement

صبح تک اپوزیشن کی جانب سے اعتزاز احسن کے نام کا اعلان ہوسکتا ہے: نبیل گبول

کراچی: پاکستان پیپلز پارٹی کے مرکزی رہنما نبیل گبول نے کہا ہے کہ صبح تک اپوزیشن کی جانب سے صدارتی امیدوار کے لیے اعتزاز احسن کے نام کا اعلان ہوسکتا ہے، کافی حد تک بات چیت ہوچکی ہے۔

ان خیالات کا اظہار انہوں نے اے آر وائی نیوز کے پروگرام الیونتھ آور میں گفتگو کرتے ہوئے کیا، نبیل گبول کا کہنا تھا کہ میری اطلاع کے مطابق اعتزاز احسن اپوزیشن کے مشترکہ امیدوار ہوں گے۔

انہوں نے کہا کہ کنفرم نہیں کہہ سکتا مگر اطلاع کے مطابق بات چیت طے ہوگئی ہے۔

علاوہ ازیں یوم شہدا کے حوالے سے نیبل گبول نے خصوصی پیغام بھی دیا، ان کا کہنا تھا کہ سب کو اپنے اپنے علاقوں میں شہدا کو خراج عقیدت پیش کرنا چاہیے، آج پاکستان ہے تو شہدا کی قربانیوں کی بدولت ہے۔

پی پی وفد کی مولانا فضل الرحمان سے ملاقات، ڈیڈ لاک برقرار

قبل ازیں پی پی رہنما راجا پرویز اشرف نے صدارتی امیدوار سے متعلق گفتگو کے لیے مولانا فضل الرحمان سے ملاقات بھی کی، بعد ازاں میڈیا سے گفتگو کرتے ہوئے انہوں نے کہا تھا کہ کوشش کی جارہی ہے، متفقہ صدارتی امیدوار کے معاملے کا کوئی درمیانی راستہ نکل آئے۔

اس موقع پر مولانا فضل الرحمان نے کہا تھا کہ آصف زرداری اور اعتزاز احسن سے ذاتی تعلقات ہیں، خواہش ہے صدارتی انتخاب کے لئے اپوزیشن کا متفقہ امیدوار ہو۔

یاد رہے کہ آج آصف زرداری کی زیرصدارت پیپلزپارٹی کا مشاورتی اجلاس ہوا تھا، جس میں‌ تمام ارکان کی جانب سے اعتزازاحسن کا نام واپس لینے کی مخالفت کی گئی۔

Comments

comments

یہ بھی پڑھیں