اسلام آباد: پیپلزپارٹی کے رہنما اعتزاز احسن نے کہا ہے کہ آرمی چیف کی ایکسٹینشن کا مکمل اختیار صرف وزیراعظم کو حاصل ہے، آرمی چیف کی تقرری میں عدالت مداخلت نہیں کرسکتی۔
تفصیلات کے مطابق پیپلزپارٹی کے رہنما اعتزاز احسن کا کہنا ہے کہ وزیراعظم عمران خان کی ایڈوائس پر صدرمملکت نے توسیع دی تو کوئی قانونی قباحت نہیں ہے، عدالت کو اس معاملے میں مداخلت کا کوئی اختیار نہیں ہے۔
پیپلزپارٹی کے رہنما نے کہا کہ کابینہ کے کتنے ارکان نے حمایت کی یا نہیں یہ بات بھی اہم نہیں ہے۔
اعتزاز احسن نے کہا ہے کہ آرمی چیف کی ایکسٹینشن کا مکمل اختیار صرف وزیراعظم کو حاصل ہے، آرمی چیف کی تقرری میں عدالت مداخلت نہیں کرسکتی۔
حکومتِ پاکستان نے آرمی چیف کی مدت ملازمت میں 3 سال کی توسیع کا نوٹیفکیشن 19 اگست کو جاری کیا تھا، نوٹی فکیشن میں کہا گیا تھا کہ جنرل قمر جاوید باجوہ کی مدت ملازمت میں توسیع خطے کے حالات کو مدنظر رکھتے ہوئے دی گئی ہے۔
بعد ازاں صدر مملکت ڈاکٹر عارف علوی نے آرمی چیف جنرل قمر جاوید باجوہ کی دوبارہ تقرری کے نوٹیفکیشن پر دستخط کر دیے تھے۔
سپریم کورٹ نے آرمی چیف کی مدت ملازمت میں توسیع کا نوٹیفکیشن معطل کردیا
یاد رہے کہ گزشتہ روز سپریم کورٹ آف پاکستان نے آرمی چیف جنرل قمر جاوید باجوہ کی مدت ملازمت میں توسیع کا نوٹیفکیشن معطل کر دیا تھا۔
