کراچی: سگ سگما پلس اور اے آر وائی ڈیجیٹل کے نئے ڈرامے ’میرے پاس تم ہو‘ کی پہلی جھلک جاری کردی گئی، ڈرامے میں عائزہ خان، ہمایوں سعید اور کبریٰ خان مرکزی کردار ادا کریں گے۔
تفصیلات کے مطابق معروف اداکارہ عائزہ خان نے سماجی رابطے کی ویب سائٹ ٹویٹر پر اپنے نئے ڈرامے ’میرے پاس تم ہو‘ کی پہلی جھلک جاری کردی۔
ڈرامے کی پہلی جھلک میں ایک کمرے کا دروازہ کھلتا ہوا دکھایا گیا جس کے بعد ڈرامے کا نام لکھا ہے اور گلوکار ’گانے کے بول میرے پاس تم ہو‘ گنگنانے رہے ہیں۔
ڈرامے کی کہانی تین کرداروں عائزہ خان، کبریٰ خان اور ہمایوں سعید کے گرد گھومتی ہے، ذرائع کا کہنا ہے کہ ڈرامہ لو ٹرائنگل ہوگا اس کی کہانی بالکل منفرد ہے۔
میرے پاس تم ہو کی ہدایت کاری کے فرائض ندیم بیگ نے انجام دئیے ہیں جبکہ اس کی کہانی خلیل الرحمان قمر نے لکھی ہے۔
First look of my upcoming project #meraypasstumho
Sharing the screen for the first time with @iamhumayunsaeed @adnanactor
Directed by @nadeembaigg
Associate @themusaddiq
Written by Khalil ur rehman qamar pic.twitter.com/36QtjKdHO5— Ayeza Khan (Aiza) (@Ayezakhan_ak) July 23, 2019
اداکار ہمایوں سعید کی ڈراموں میں واپسی چار سال بعد ہورہی ہے اس سے قبل انہوں نے کامیاب فلم جوانی پھر نہیں آنی ٹو میں اداکاری کے جوہر دکھائیں تھے۔
ہمایوں سعید نے ڈرامے میں اپنے کردار کے حوالے سے بات کرتے ہوئے کہا کہ ’میرا کردار بہت ہی سادہ ہے، میں ایک غریب گھرانے سے تعلق رکھتا ہوں، زندگی بہت مشکل ہے مگر میں اپنی بیوی اور بچوں سے بہت محبت کرتا ہوں اور بہت ہی ایماندار شخص ہوں، ایمانداری کی انہیں بھاری قیمت چکانا پڑتی ہے۔
اداکارہ عائزہ نے مداحوں سے آج چیٹ سیشن ’آسک عائزہ‘ میں مختلف سوالات کے جوابات دئیے ان کا کہنا تھا کہ ڈرامے میرے پاس تم ہو کی پہلی قسط 17 اگست کو جاری ہوگی۔
17th of August
— Ayeza Khan (Aiza) (@Ayezakhan_ak) July 23, 2019
ایک صارف ببیتا شرما کی جانب سے ان سے پوچھا گیا کہ آپ انسٹاگرام پر کب لائیو چیٹ کریں گی جس کے جواب میں عائزہ نے کہا کہ بہت جلد انسٹاگرام پر مداحوں سے گفتگو ہوگی۔
Will surely do a live chat on Instagram soon…
— Ayeza Khan (Aiza) (@Ayezakhan_ak) July 23, 2019
ایک اور صارف رابعہ نے پوچھا کہ آپ کو میوزک سے لگاؤ ہے اور گانے سنتی ہیں جس کے جواب میں عائزہ نے کہا کہ کبھی کبھی گانے سن لیتی ہوں۔
Yess sometimes…
— Ayeza Khan (Aiza) (@Ayezakhan_ak) July 23, 2019
