site
stats
پاکستان

اعزاز چوہدری کو امریکا میں پاکستانی سفیر متعین کر دیا گیا

اسلام آباد : سیکرٹری خارجہ اعزاز احمد چوہدری کو امریکا میں پاکستانی سفیر تعینات کر دیا گیا, مارچ میں جلیل عباس جیلانی کی جگہ چارج سنبھالیں گے۔

تفصیلات کے مطابق سیکرٹری خارجہ اعزاز چوہدری کو امریکا میں پاکستانی سفیر تعینات کردیا گیا ہے جو مارچ میں جلیل عباس جیلانی کی جگہ سنبھال لیں گے جب کہ اعزاز احمد چوہدری کی جگہ تہمینہ جنجوعہ کو پہلے ہی تعینات کر لیا گیا ہے۔

دفتر خارجہ کے ترجمان کے مطابق سیکریٹری خارجہ اعزاز چوہدری آئندہ ماہ سے امریکا میں بطور پاکستانی سفیر کے عہدہ سنبھال لیں گے جب کہ ان کے عہدے چھوڑنے کے بعد تہمینہ جنجوعہ سیکرٹری خارجہ بن جائیں گی جن کی تعیناتی کا اعلان پہلے ہی کیا جاچکا ہے۔

واضح رہے کہ اعزاز چوہدری خارجہ تعلقات کا خاصہ تجربہ رکھتے ہیں اور گزشتہ 36 برس سے سفارت کاری کے میدان میں دو طرفہ اور کثیر الفریقی معاملات میں بہتر طریقے سے چلانے کا بہترین تجربہ رکھتے ہیں’۔

یاد رہے اعزاز چوہدری دسمبر 2013 سے سیکریٹری خارجہ کے عہدے پر تعینات ہیں اس سے قبل وہ وزارتِ خارجہ کے ترجمان بھی رہ چکے ہیں۔

یہی نہیں بلکہ وزارتِ خارجہ میں رہتے ہوئے اعزاز چوہدری ایڈیشنل سیکریٹری خارجہ برائے اقوام متحدہ اور ڈائریکٹر جنرل ریلیشنز برائے جنوبی ایشیائی ممالک بھی رہ چکے ہیں۔

اعزاز چوہدری ہالینڈ میں پاکستانی سفیر بھی رہ چکے ہیں جب کہ ‘پاکستان مررڈ ٹو ڈچ آئیز’ کے نام سے کتاب بھی تصنیف کر چکے ہیں اور اقوام متحدہ میں پاکستان کے نائب مستقل مندوب کے عہدے پر بھی فائز رہ چکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top