The news is by your side.

Advertisement

آزاد فلسطینی ریاست کے قیام کے لیے حمایت جاری رکھیں گے: اعزاز چوہدری

واشنگٹن: امریکا میں پاکستان کے سفیر اعزاز چوہدری نے کہا کہ آزاد فلسطینی ریاست کے قیام کے لیے حمایت جاری رکھیں گے، غزہ میں اسرائیلی مظالم کی شدید مذمت کرتے ہیں۔

ان خیالات کا اظہار انہوں نے امریکا میں میڈیا سے گفتگو کرتے ہوئے کیا، اعزاز چوہدری کا کہنا تھا کہ اسرائیل نے پُر امن فلسطینی مظاہرین کو سفاکیت کا نشانہ بنایا، پر امن مظاہرین سفارت خانے کے افتتاح کے خلاف احتجاج کررہے تھے۔

انہوں نے کہا کہ پاکستان او آئی سی کے اعلامیے کی مکمل حمایت کرتا ہے، عالمی برادری، سلامتی کونسل فلسطین سے متعلق ذمہ داریاں ادا کرے، فلسطین میں ظلم وبربریت کے خاتمے کے لیے عالمی طاقتوں کو آواز اٹھانی ہوگی۔


وزیر اعظم شاہد خاقان عباسی کا غزہ میں قتل وغارت کی شفاف تحقیقات کا مطالبہ


کشن گنگا منصوبے سے متعلق تبصرہ کرتے ہوئے اعزاز چوہدری کا کہنا تھا کہ کشن گنگا منصوبے کا افتتاح سندھ طاس معاہدے کی خلاف وزری ہے، کشن گنگا ہائیڈرو الیکٹرک پروجیکٹ کا معاملہ ورلڈ بینک حل کرے، ورلڈ بینک نے اگر معاملہ حل نہ کرایا تو پاکستان عالمی عدالت سے رجوع کرے گا۔

ان کا مزید کہنا تھا کہ عالمی بینک کے صدر سے سندھ طاس معاہدے پر بات ہوگی، پاکستانی اٹارنی جنرل مذاکرات کے لیے کل واشنگٹن پہنچ رہے ہیں، علاوہ ازیں رتلے اور دیگر بھارتی منصوبوں پر بھی بات چیت کی جائے گی۔


کوئی ملک یہ نہیں کہہ سکتا پاکستان نے دہشت گردی کیخلاف کچھ نہیں کیا،اعزازچوہدری


خیال رہے کہ گذشتہ روز غزہ کی موجودہ صورت حال پر غور کے لیے ترکی کی میزبانی میں او آئی سی کا غیر معمولی اجلاس ہوا، رجب طیب اردگان کی زیر صدارت استنبول میں ہونے والے اہم اجلاس میں اٹھارہ ممالک کے سربراہان سمیت اڑتالیس اسلامی ملکوں کے نمائندوں نے شرکت کی، پاکستان کی نمائندگی وزیراعظم شاہد خاقان عباسی نے کی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں