کاجول کا واٹس ایپ نمبر شیئر کرنا اجے دیوگن کو مہنگا پڑ گیا -
The news is by your side.

Advertisement

کاجول کا واٹس ایپ نمبر شیئر کرنا اجے دیوگن کو مہنگا پڑ گیا

ممبئی: بالی ووڈ اداکاروں سے بعض اوقات ایسی غلطیاں ہوجاتی ہیں جو اُن کے گلے پڑجاتی ہے اسی طرح گزشتہ روز اجے دیوگن کے کچھ ایسا ہی ہوا کہ جب انہوں نے اپنی اہلیہ کاجول کا واٹس ایپ نمبر شیئر کردیا۔

تفصیلات کے مطابق گزشتہ روز بالی ووڈ اداکار اور کاجول کے شوہر اجے دیوگن نے سماجی رابطے کی ویب سائٹ پر مذاق میں ایک ٹویٹ کیا جس پر انہیں لینے کے دینے پڑھ گئے۔

اجے دیوگن نے سماجی رابطے کی ویب سائٹ ٹویٹر پر اپنی اہلیہ کا واٹس ایپ نمبرغلطی سے شیئر کیا اور لکھا کہ ’کاجول اس وقت ملک میں نہیں لہٰذا ان کے واٹس ایپ نمبر پر رابطہ کیا جائے‘۔

اجے کو تھوڑی دیر بعد احساس ہوا تو انہوں نے آگاہ کیا کہ ’یہ سب مذاق تھا‘۔اداکار کو اپنی غلطی کا احساس تو ہوا مگر اُس وقت تک ہزاروں صارفین کاجول کے نمبر پر پیغامات بھیج چکے تھے۔

کاجول نے اپنے شوہر کی حماقت پر برہمی کا اظہار کرتے ہوئے انہیں سماجی رابطے کی ویب سائٹ پر ہی کھری کھری سنادیں۔ اُن کا کہنا تھا کہ ’تمھارا مذاق اسٹوڈیو سے باہر نکل گیا مگر اس کی گھر میں کوئی جگہ نہیں ہے۔

فلمی پنڈتوں کے مطابق بالی ووڈ جوڑی نے ممکنہ طور پر اپنی نئی آنے والی فلم کی تشہیر کے لیے یہ حرکت کی ہوگی۔

خیال رہے کہ اجے دیوگن ’ہیلی کاپٹرایلا‘ نامی فلم کے پروڈیوسر ہیں جس میں کاجول مرکزی کردار ادا کرتی نظر آئیں گی، فلم 12 اکتوبر کو نمائش کے لیے پیش کی جائے گی۔

Comments

comments

یہ بھی پڑھیں