The news is by your side.

Advertisement

کوئٹہ :اکبر حسین درانی کو سیکرٹری خزانہ بلوچستان تعینات کردیا گیا

کوئٹہ : حکومت بلوچستان نے سیکرٹری داخلہ اکبر حسین درانی کو سیکرٹری خزانہ بلوچستان تعینات کردیا،جبکہ مشتاق رئیسانی دور کے چودہ اعلیٰ افسران کے محکمہ خزانہ سے تبادلے کردیئےگئے.

تفصیلات کے مطابق معطل سیکرٹری خزانہ بلوچستان مشتاق رئیسانی کی گرفتاری اور گھر سے بھاری رقم کی برآمدگی کے بعد حکومت نے سیکرٹری داخلہ بلوچستان اکبر حسین درانی کو محکمہ خزانہ کا اضافی چارج سونپ دیاتھا.

حکومت بلوچستان کی جانب سے جمعے کے روز باقاعدہ نوٹیفکیشن جاری کیا گیا، اکبر حسین درانی کا محکمہ داخلہ سے تبادلہ کرتے ہوئے انہیں سیکرٹری خزانہ بلوچستان تعینات کردیاگیا.

اکبر حسین درانی کی جگہ محمد اکبر حریفال کو سیکرٹری داخلہ بلوچستان مقرر کردیا گیا ہے.

محکمہ خزانہ میں چودہ اعلیٰ افسران کا محکمہ خزانہ سے تبادلہ کردیا گیا ہے جن میں دو ڈپٹی سیکرٹریز ،دو اسسٹنٹ سیکرٹریز ،چار انڈر سیکرٹریز اورپانچ سیکشن آفیسرز شامل ہیں.

محکمہ ایس اینڈ جی اے ڈی بلوچستان کا کہنا تھا کہ محکمہ خزانہ کے مزید افسران کا تبادلہ بھی کیا جائے گا.

Comments

comments

یہ بھی پڑھیں