The news is by your side.

Advertisement

اسموگ کے اثرات کم کرنے کے لیے اقدامات کر رہے ہیں، وزیرتوانائی پنجاب

ملتان: وزیر توانائی پنجاب ڈاکٹر اختر ملک کا کہنا ہے کہ فصلوں کی باقیات جلانے پر دفعہ 144 نافذ ہے، خلاف ورزی کرنے والوں کے خلاف سخت ایکشن لیا جائے گا۔

تفصیلات کے مطابق وزیر توانائی پنجاب ڈاکٹر اختر ملک نے کہا کہ اسموگ کے اثرات کم کرنے کے لیے اقدامات کر رہے ہیں، فصلوں کی باقیات جلانے اور دھواں چھوڑنے والی گاڑیوں کے خلاف سخت ایکشن لیا جائے گا۔

دوسری جانب ڈی سی ملتان عامر خٹک کا کہنا ہے کہ ضلع میں 15 نومبرسے بھٹے بند کردیے جائیں گے، فصلوں کی باقیات، ٹائر، پلاسٹک جلانے پر دفعہ 144عائد ہے، پولی تھین بیگ اور لیدر جلانے پر بھی دفعہ 144 کے تحت پابندی ہے۔

ڈی سی ملتان نے مزید کہا کہ 335 بھٹوں کو بند کرنے کے لیے نوٹس جاری کر دیے گئے، 124 صنعتی اداروں کو بھی نوٹس جاری کردیے گئے۔

فصلوں کا کچرا ٹھکانے لگانے میں بھارتی پنجاب کی مدد کر سکتے ہیں، فواد چوہدری

یاد رہے کہ گزشتہ روز وفاقی وزیر برائے سائنس اینڈ ٹیکنالوجی فواد چوہدری کا کہنا تھا کہ جالندھرمیں فصلیں جلانا پنجاب کی سرحد کی دونوں جانب تباہی کا باعث ہے، فصلوں کا کچرا ٹھکانے لگانے میں بھارتی پنجاب کی مدد کر سکتے ہیں۔

محکمہ ماحولیات کے مطابق اسموگ بھارتی شہر جالندھر سے آرہی ہے، جالندھر میں فصلوں کی باقیات جلائی جا رہی ہیں جس کی وجہ سے ہوا کا رخ تبدیل ہو کر بھارت سے لاہور کی طرف آ رہا ہے۔ لاہور میں اسموگ کی وجہ سے شہریوں کو سخت پریشانی کا سامنا ہے، شہریوں کو سانس لینے میں بھی شدید دشواری پیش آ رہی ہے۔

یاد رہے کہ گزشتہ ہفتے ناسا کی سیٹلائٹ تصاویر نے بھارتی پنجاب میں فصلوں کو لگائی جانے والی آگ کو بے نقاب کیا تھا۔ عالمی اداروں کی سخت ہدایات کے باوجود مودی سرکار فصلیں جلانے والوں کے خلاف کارروائی سے گریزاں ہیں۔

fb-share-icon0
Tweet 20

Comments

comments

یہ بھی پڑھیں