’میں پاکستان آرہا ہوں‘ امریکی گلوکار کا عمران خان کے نام خصوصی پیغام -
The news is by your side.

Advertisement

’میں پاکستان آرہا ہوں‘ امریکی گلوکار کا عمران خان کے نام خصوصی پیغام

نیویارک: نامور امریکی سنگر ’ایکون ‘ نے وزیر اعظم عمران خان کے نام پیغام جاری کیا ہے کہ وہ پاکستان آرہے ہیں۔

تفصیلات کے مطابق امریکی گلوکار (ریپیر ) دنیا بھر میں اپنے فن کا مظاہرہ کرتے ہیں اور اب وہ جلد پاکستان کا دورہ کریں گے جس میں وہ اپنی گلوکاری کا جادو بھی جگائیں گے۔

45 سالہ امریکی گلوکار نے سماجی رابطے کی ویب سائٹ پر پاکستان پریمیئر کے حوالے سے پیغام جاری کیا اور بتایا کہ وہ رواں سال اپریل میں پاکستان کا دورہ اور اپنے فن کا مظاہرہ کریں گے۔

مزید پڑھیں: اسٹار فٹ بالر کاکا اور فیگو پاکستان میں فٹ بال کے فروغ کے لیے پرامید

یہ بھی پڑھیں: بھارتی اداکارہ کا عمران خان کو شکریہ

ویڈیو پیغام میں مخصوص انداز سے عمران خان کو مخاطب کرتے ہوئے اُن کہنا تھا کہ مجھے  ایکون کہتے ہیں، میں جلد پاکستان آرہا ہوں، کیا آپ اس کے لیے تیار ہیں؟۔

اطلاعات کے مطابق امریکی گلوکار 26 اپریل کو کراچی اور 29 کو لاہور میں اپنے فن کا مظاہرہ کریں گے۔ وہ ’عالمی فٹبال کپ‘ کے حوالے سے پاکستان میں منعقد ہونے والی تقریب میں بھی شرکت کریں گے۔

دوسری جانب تحریک انصاف کی آفیشل آئی ڈی نے ایکون کے ویڈیو میسج پر اُن کا شکریہ ادا کرتے ہوئے کہا کہ ’ہم آپ کا  پاکستان آنے پر شاندار استقبال کریں گے‘۔

یاد رہے کہ پاکستان میں انٹرنیشنل فٹبال کے مقابلے کا انعقاد کیا جائے گا، اس ضمن میں 10 جنوری کو پرتگالی فٹبالر لیوس فیگو اور برازیلین کھلاڑی ریکارڈو کاکا نے کراچی کا دورہ بھی کیا۔

Comments

comments

یہ بھی پڑھیں