بالی ووڈ کے معروف اداکار اکشے کمار کی بیٹی آن لائن ہراسانی کا نشانہ بن گئیں۔
بالی ووڈ اداکار اکشے کمار بھارت میں بڑھتے ہوئے سائبر کرائم سے پریشان ہوگئے، مودی سرکار سے سائبر کرائم کو روکنے کا مطالبہ کردیا۔
ممبئی میں تقریب سے خطاب میں اکشے کمار نے کہا کہ میرے بیٹی بھی آن لائن ہراسانی کا نشانہ بنی، وہ آن لائن ویڈیو گیم کھیل رہی تھی جہاں پر آپ اجنبی شخص کے ساتھ گیم کھیل رہے ہوتے ہیں جو آپ کو میسج کرتا ہے بہت اچھا کھیل رہے ہیں، ویل ڈن وغیرہ۔
یہ پڑھیں: اکشے کمار کی ٹوئنکل سے شادی میں عامر خان کا کیا کردار ہے؟
اداکار نے بتایا کہ اس دوران اس شخص نے پوچھا کہ آپ کا تعلق کہاں سے ہے بیٹی نے بتایا کہ ممبئی میں رہتی ہیں، پھر اس نے پوچھا میل ہیں یا فی میل ہیں، بیٹی نے بتایا کہ فی میل ہوں۔
اکشے کمار کے مطابق پھر وہ اجنبی شخص کہنے لگا کہ آپ مجھے اپنی نازیبا تصاویر بھیجیں، بیٹی نے فون بند کیا اور والدہ ’ٹوئنکل کھنہ‘ کا جا کر ساری کہانی سنادی۔
#WATCH | Mumbai | Actor Akshay Kumar says, "I want to tell you all a small incident which happened at my house a few months back. My daughter was playing a video game, and there are some video games that you can play with someone. You are playing with an unknown stranger. While… pic.twitter.com/z9sV2c9yC6
— ANI (@ANI) October 3, 2025
انہوں نے کہا کہ یہ تو میری بیٹی تھی جس نے بیگم کو فوراً بتا دیا، اسکولوں میں سائبر کرائم سے متعلق کلاسیں ہونی چاہئیں۔
اکشے کمار نے کہا کہ بھارت میں اسٹریٹ کرائم سے زیادہ خطرناک سائبر کرائم ہوتے جارہے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں