اتوار, فروری 9, 2025
اشتہار

ٹوئنکل کھنہ نے ماسٹرز کی ڈگری حاصل کرلی

اشتہار

حیرت انگیز

بالی ووڈ کے معروف اداکار اکشے کمار کی اہلیہ و سابقہ اداکارہ ٹوئنکل کھنتہ نے یونیورسٹی آف لندن سے ماسٹر کی ڈگری حاصل کرلی۔

بھارتی میڈیا رپورٹس کے مطابق اداکار اکشے کمار نے ٹوئنکل کھنٹہ پر فخر کا اظہار کیا لیکن ساتھ ہی پوچھا کہ سب سے اہم سوال یہ ہے کہ تم گھر کب واپس آرہی ہو؟

ٹوئنکل کھنہ نے انسٹاگرام پوسٹ میں اپنی اعلیٰ تعلیم سے متعلق بتایا کہ ان کی ڈگری کری ایٹو اینڈ لائف رائٹنگ میں تھی۔

سابقہ اداکارہ نے کہا کہ اسائنمنٹ بنانا، انہیں جمع کروانا اور اب مقالہ جمع کروانے کے بعد یہ سلسلہ ختم ہوگیا۔

انہوں نے بتایا کہ میں نے 5 یونیورسٹیز میں اپلائی کیا تھا، ایک نے مجھے مسترد کیا لیکن میری پہلی ترجیح جو یونیورسٹی تھی وہاں مجھے داخلہ مل گیا۔

ان کا کہنا تھا کہ پھر بیٹی کو یہاں منتقل کرنا، صرف اسکول نہیں ایک سے دوسرے ملک، اپنے کام کو اس طرح توازن میں رکھنا کہ میں سفر بھی کرسکوں، کتاب پر بھی کام جاری تھا، رہنے کی جگہ ڈھونڈنا، ڈاکٹر، پلمبر اور ڈلیوری ایپس تلاش کرنا اور نئے شہر میں دوست بنانا، کبھی کبھی یہ سب بہت حاوی ہوجاتا ہے۔

واضح رہے کہ اکشے کمار اور ٹوئنکل کھنہ 17 جنوری 2001 میں شادی کے بندھن میں بندھے تھے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں