The news is by your side.

Advertisement

آغاخان یونی ورسٹی کانوکیشن: کامیاب طلبہ میں وزیراعلیٰ سندھ کی صاحب زادی بھی شامل

کراچی: آغاخان یونی ورسٹی کے سالانہ کانوکیشن میں تین سو ساٹھ طالبعلموں کو اسناد تقسیم کی گئی‘ ڈگری حاصل کرنے والوں میں وزیراعلیٰ سندھ کی صاحبزادی بھی شامل ہیں‘ تقریب کی صدارت گورنر سندھ نے کی۔

تفصیلات کے مطابق آج کراچی میں آغا خان یونی ورسٹی کا سالانہ کانوکیشن منعقد ہوا جس کی صدارت گورنر سندھ محمد زبیر نے کی‘ اس موقع پر تقریب سے خصوصی خطاب کرتے ہوئے ان کا کہنا تھا کہ آئی بی اے اور آغا خان یونی ورسٹی پاکستان کے بہترین تعلیمی ادارے ہیں جن پر بجا طور پر فخر کیا جاسکتا ہے۔

اسناد حاصل کرنے والے طلبہ و طالبات میں وزیراعلیٰ سندھ سید مراد علی شاہ کی صاحبزادی بھی شامل تھیں ‘ اسی سبب وزیراعلیٰ نے تقریب میں خصوصی شرکت کی۔

اس موقع پر گورنر سندھ کا کہنا تھا کہ یہاں طلباء پر خصوصی توجہ دی جاتی ہے اور کامیاب ہونے والے طلباء اور ان کے والدین مبارک باد کے مستحق ہیں ۔گورنر سندھ محمد زبیر نے اعلان کیا کہ نمایاں پوزیشن حاصل کرنے والے طلباء کے لیے گورنر ہاوس میں خصوصی تقریب منعقد کریں گے۔

اس موقع یونیورسٹی کے صدر فیروز رسول نے خطاب میں کہا کہ کامیاب ہونے والے طلباوطالبات کو مبارکباد پیش کرتا ہوں۔آج کے جدید دور میں ہر چیز بدل رہی ہے جس کے لئے طلبا کو تیار کیا گیا ہے۔ انہوں نے یہ بھی کہا کہ کہ حکومت سندھ کے اشتراک سے صوبے میں عوامی فلاح کے کئی منصوبے جاری ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں