The news is by your side.

Advertisement

العزیزیہ اسٹیل ملز ریفرنس کی سماعت بغیر کارروائی 12 جولائی تک ملتوی

اسلام آباد: شریف خاندان کے خلاف العزیزیہ اسٹیل ملز ریفرنس کی سماعت کے دوران سابق وزیر اعظم نواز شریف اور ان کی صاحبزادی مریم نواز کی حاضری سے استثنیٰ کی درخواست دائر کی گئی۔

تفصیلات کے مطابق شریف خاندان کے خلاف العزیزیہ اسٹیل ملز ریفرنس کی سماعت ہوئی۔

سماعت میں سابق وزیر اعظم نواز شریف اور ان کی صاحبزادی مریم نواز کی حاضری سے استثنیٰ کی درخواست دائر کی گئی۔

عدالت میں نواز شریف کی اہلیہ کلثوم نواز کی میڈیکل رپورٹ بھی پیش کی گئی۔

عدالت نے العزیزیہ اسٹیل ملز ریفرنس کی مزید سماعت 12 جولائی تک ملتوی کردی۔

خیال رہے کہ العزیزیہ اسٹیل ملز ریفرنس کی گزشتہ سماعت بھی ایون فیلڈ ریفرنس کے فیصلے کی وجہ سے ملتوی کردی گئی تھی۔

اس سے قبل پاناما لیکس کی مشترکہ تحقیقاتی ٹیم (جے آئی ٹی) کے سربراہ واجد ضیا کو بھی احتساب عدالت میں طلب کیا گیا تھا اور ان پر جرح کی گئی تھی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں