العزیزیہ ریفرنس کیس: سماعت بغیر کارروائی کل تک ملتوی -
The news is by your side.

Advertisement

العزیزیہ ریفرنس کیس: سماعت بغیر کارروائی کل تک ملتوی

اسلام آباد: احتساب عدالت میں سابق وزیر اعظم نواز شریف کے خلاف العزیزیہ ریفرنس کیس کی سماعت بغیر کارروائی کل تک ملتوی کردی گئی۔

تفصیلات کے مطابق احتساب عدالت میں سابق وزیر اعظم نواز شریف کے خلاف العزیزیہ ریفرنس کیس کی سماعت مقررہ شیڈول کےمطابق شروع ہوئی۔ کیس کی سماعت جج محمد ارشد ملک نے کی۔

نواز شریف کے وکیل خواجہ حارث احتساب عدالت میں پیش ہوئے۔ انہوں نے کہا کہ نواز شریف کلثوم نواز کی وفات کے باعث لاہور میں ہیں، نواز شریف سے کارروائی کے حوالے سے ہدایات نہیں لے سکا۔

انہوں نے کہا کہ سماعت کل تک ملتوی کر دی جائے، کل تک اپنے مؤکل سے ہدایات لے لوں گا۔

جج ارشد ملک نے کہا کہ کلثوم نواز بڑی شخصیت تھیں، آج کارروائی چلانا مناسب نہیں۔

نیب کے وکیل نے کہا کہ خواجہ صاحب سے کہیں کل کے لیے ہدایات لے لیں پھر سماعت ملتوی کریں جس پرجج نے کہا کہ آج کوئی متنازعہ بات نہیں ہونی چاہیئے کل دیکھ لیں گے۔

خواجہ حارث نے کہا کہ جمعہ کو بیگم کلثوم نواز کی تدفین ہوگی، پیش نہیں ہوسکوں گا جس پر جج نے کہا کہ جمعرات کو جرح کرلیں، جمعہ کے روز سماعت نہیں کریں گے۔

عدالت نے کیس کی مزید سماعت کل تک ملتوی کر دی۔

خیال رہے کہ گزشتہ روز نواز شریف کی اہلیہ بیگم کلثوم نواز طویل علالت کے بعد لندن میں انتقال کر گئی تھیں۔

اس موقع پر نواز شریف، ان کی صاحبزادی مریم نواز اور داماد کیپٹن صفدر کو پیرول پر رہا کیا گیا ہے جس کے بعد وہ جاتی امرا پہنچ گئے ہیں۔

Comments

comments

یہ بھی پڑھیں