اسرائیلی ٹینکوں نے ایک پہاڑی پر چڑھ کر غزہ کے المواصی پناہ گزیں کیمپ پر بمباری کی تھی۔
خبر رساں ادارے روئٹرز کے مطابق المواصی کیمپ حملے کے ایک عینی شاہد کا کہنا ہے کہ اسرائیلی ٹینک کیمپ پر حملہ کرنے کے لیے پہاڑی کی چوٹی پر چڑھ گئے تھے۔
کیمپ کے رہائشی نے بتایا کہ دو ٹینک ایک پہاڑی کی چوٹی پر چڑھے جہاں سے المواصی کیمپ واضح نظر آ رہا تھا، اور پھر انھوں نے کیمپ پر گولے برسائے، جس میں بے گھر غریب فلسطینیوں کے پناہ لی ہوئی تھی۔
الجزیرہ نے رپورٹ کیا ہے کہ ایک چیٹ ایپ پر لیا گیا یہ انٹرویو غزہ میں الجزیرہ کے نمائندوں کے انٹرویوز کی توثیق کرتا ہے، جس میں انھوں نے المواصی کیمپ کے پناہ گزینوں سے بات چیت کی، اس حملے میں کم از کم 25 فلسطینی شہید اور 50 زخمی ہوئے ہیں۔
اسرائیل کی بے گھر فلسطینیوں پر بمباری، 25 شہید، درجنوں زخمی
روئٹرز نے رپورٹ کیا ہے کہ اسرائیلی فوج نے کہا ہے کہ المواصی کیمپ پر حملے کا جائزہ لیا جا رہا ہے۔ جب کہ اس سے قبل اسرائیل کی فوج نے کہا تھا کہ اس کی افواج رفح کے علاقے میں درست اور انٹیلیجنس پر مبنی کارروائیاں کر رہی ہیں۔
