قاہرہ: القاعدہ سربراہ ایمن الظواہری خطرناک مرض میں مبتلا ہوگئے ، سینئر بین الاقوامی ذمے دار کا کہنا ہے کہ الظواہری کو دل کے حوالے سے پیچیدہ مشکلات کا سامنا ہے۔
تفصیلات کے مطابق گذشتہ چند روز کے دوران عالمی میڈیا میں اس طرح کی معلومات گردش میں آئی ہیں کہ القاعدہ تنظیم کے سربراہ ایمن الظواہری ایک خطرناک بیماری میں مبتلا ہیں، جس کے نتیجے میں ان کی صحت بڑی حد تک بگڑ چکی ہے۔
مغربی میڈیا نے انسداد دہشت گردی کی عالمی کوششوں میں شریک ایک سینئر بین الاقوامی ذمے دار کے حوالے سے بتایا کہ الظواہری کو دل کے حوالے سے پیچیدہ مشکلات کا سامنا ہے۔
عرب ٹی وی سے بات چیت میں مذہبی سیاسی تنظیموں کے امور کے محقق احمد عطاء نے کہا ہے کہ زیر گردش رپورٹوں سے معلوم ہوتا ہے کہ الظواہری جگر کے سرطان میں مبتلا ہیں اور مرض اس مرحلے تک آ چکا ہے کہ اب جگر کی تبدیلی کے سوا کوئی چارہ نہیں۔
اب دیکھنا ہے کہ دہشت گردی کی عالمی فہرست میں مطلوب شخصیت ہونے کے سبب الظواہری کو دنیا کے کسی بھی اسپتال میں کس طرح منتقل کیا جا سکتا ہے ؟
خیال رہے یہ معلومات واشنگٹن اور امریکی اخبارات کی جانب سے اس اعلان کے چند روز بعد سامنے آئی ہیں، جس میں کہا گیا تھا کہ القاعدہ تنظیم کے سابق سربراہ اسامہ بن لادن کا بیٹا حمزہ بن لادن امریکی انٹیلی جنس کی ایک کارروائی میں ہلاک ہو گیا ہے۔
عرب ٹی وی سے بات چیت میں مذہبی سیاسی تنظیموں کے امور کے محقق احمد عطا ءنے کہاکہ زیر گردش رپورٹوں سے معلوم ہوتا ہے کہ الظواہری جگر کے سرطان میں مبتلا ہیں اور مرض اس مرحلے تک آ چکا ہے کہ اب جگر کی تبدیلی کے سوا کوئی چارہ نہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں