تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

امریکا: سرکاری املاک کو نقصان پہنچانے والوں کے خلاف خطرے کی گھنٹی

واشنگٹن: امریکی صدر ڈونلڈ ٹرمپ نے ملک میں سرکاری املاک کو نقصان پہنچانے والوں کو خبردار کردیا، ملوث افراد کو بھاری جرمانہ اور 10 سال تک قید کی سزا بھی ہوسکتی ہے۔

غیرملکی خبررساں ادارے کی رپورٹ کے مطابق امریکا میں نسل پرستی کے خلاف جاری مظاہروں کے دوران سیکڑوں شہریوں نے ملک بھر میں لوٹ مار کی اور سرکاری املاک کو بھی نقصان پہنچایا۔

ٹرمپ نے وفاقی حکومت کو املاک کو نقصان پہنچانے والوں کے خلاف کارروائی کا اختیار دے دیا۔

امریکی صدر نے سماجی رابطے کی ویب سائٹ ٹوئٹر پر ٹوئٹ کیا کہ ایسے افراد جو ملک میں سرکاری املاک کو نقصان پہنچانے میں ملوث ہیں انہیں 10 سال تک قید کی سزا ہوسکتی ہے، یہ حکم فوری طور پر نافذالعمل ہوگا۔

خیال رہے کہ سیاہ فام کے پولیس کے ہاتھوں قتل کے بعد امریکی دارالحکومت واشنگٹن سمیت کئی ریاستوں میں پرتشدد مظارہے پھوٹ پڑے اور احتجاج کا سلسلہ دنیا بھر میں پھیل گیا۔

امریکا کی مختلف ریاستوں میں نسل پرستی کے خلاف احتجاج کا سلسلہ اب بھی جاری ہے تاہم پولیس نے تشدد اور لوٹ مار کے واقعات پر قابو پالیا ہے، لٹیروں نے سپر مارکیٹ سمیت مہنگے ترین موبائل اسٹورز پر بھی ہاتھ صاف کیے تھے۔

Comments

- Advertisement -