The news is by your side.

Advertisement

شاہین شاہ آفریدی سے متعلق تشویشناک خبر آگئی

لاہور: پاکستانی فاسٹ بولر شاہین شاہ آفریدی ٹائیفائیڈ میں مبتلا ہوگئے ہیں۔

اے آروائی نیوز کے نمائندہ خصوصی برائے اسپورٹس شعیب جٹ کے مطابق پاکستانی فاسٹ بولر شاہین شاہ آفریدی ٹائیفائڈ میں مبتلا ہوگئے ہیں جس کے باعث وہ ویسٹ انڈیز کے خلاف سیریز کیلئے نیٹ سیشن سے باہر ہوگئے۔

ڈاکٹرز کی ہدایت کے مطابق انہوں نے آرام کا فیصلہ کیا ہے ساتھ ہی قومی ٹیم کے فاسٹ بولر پرامید ہیں کہ وہ ویسٹ انڈیز کے خلاف سیریز سے قبل فٹ ہوجائیں گے۔

یہ بھی پڑھیں: کیا شاہین آفریدی نے ماڈلنگ شروع کردی؟

واضح رہے کہ آج ہی پاکستان کرکٹ بورڈ نے ویسٹ انڈیز کے خلاف سیریز کے لئے سولہ رکنی قومی اسکواڈ کا اعلان کیا تھا، اسکواڈ میں تین اوپنرز، تین مڈل آرڈر بیٹرز،دو وکٹ کیپرز،تین اسپنرز سمیت پانچ فاسٹ بولرز شامل کیا گیا تھا جن میں شاہین شاہ آفریدی بھی شامل تھے۔

کالی آندھی سے میچز آٹھ، دس اور بارہ جون کو پنڈی کرکٹ اسٹیڈیم میں کھیلےجائیں گے، سیریز ون ڈے آئی سی سی مینز کرکٹ ورلڈ کپ سپر لیگ کاحصہ ہیں، تربیتی کیمپ کے لیےقومی اسکواڈ یکم جون کو راولپنڈی میں رپورٹ کرےگا۔

Comments

یہ بھی پڑھیں