The news is by your side.

یورپی ملک نے ایران سے تعلقات منقطع کر دیے

یورپی ملک البانیہ نے ایران سے سفارتی تعلقات منقطع کرتے ہوئے سفارتی عملے کو 24 گھنٹوں میں ملک چھوڑنے کا حکم دے دیا۔

وزیراعظم نے اعلان کیا ہے کہ البانیہ نے ایران کے ساتھ سفارتی تعلقات منقطع کر دیے ہیں اور سفارت خانے کے عملے کو حکم دیا ہے کہ وہ جلد از جلد ملک چھوڑ دیں۔

یہ فیصلہ مبینہ طور پر تہران کی جانب سے البانیہ کی سرکاری ویب سائٹس پر سائبر حملے کے ردعمل میں کیا گیا ہے۔15 جولائی کو ایک سائبر حملے نے متعدد البانی حکومت کی ڈیجیٹل سروسز اور ویب سائٹس کو عارضی طور پر بند کر دیا تھا۔

وزیراعظم کی جانب سے دارالحکومت میں واقع ایرانی سفارتخانے کو تحریری طور پر یہ احکامات دیے گئے ہیں۔ سفارتی اور سیکورٹی اہلکاروں سمیت سفارت خانے کے تمام عملے کو 24 گھنٹے کے اندر البانیہ چھوڑنے کا حکم دیا گیا ہے۔

Comments

یہ بھی پڑھیں