البرٹا: کینیڈا میں شتر مرغوں کی ایک ’ٹولی‘ کے فرار کی ویڈیو وائرل ہوئی ہے، ٹولی نے سڑک پر نہ صرف شہریوں کو پریشانی سے دوچار کیا بلکہ پولیس کی بھی دوڑیں لگوا دیں۔
تفصیلات کے مطابق کینیڈا میں البرٹا کے علاقے ٹیبر میں ایک شخص کے فارم سے 20 کے قریب شتر مرغ فرار ہو گئے، پولیس نے پانچ گھنٹوں کی مشقت کے بعد بھاگتے پھرتے شتر مرغوں کو قابو میں کیا۔
سوشل میڈیا پر یہ ویڈیو صارفین نے بے حد پسند کی، ویڈیو میں دیکھا جا سکتا ہے کہ پولیس کی گاڑی ایک شترمرغ کے پیچھے بھاگ رہی ہے۔
ایک موقع پر پولیس اہل کار نے چلتی گاڑی میں شتر مرغ کو گردن سے پکڑنے کی کوشش کی لیکن کامیاب نہ ہو سکا، اور پرندہ سڑک پر اس کی گاڑی سے ٹکرا کر گرا، لیکن پھر اٹھ کر بھاگ گیا۔
Ostriches on the loose in Taber Alberta today – as is custom.
🎥fireman2017 pic.twitter.com/84qbtC99Es
— Brock Skretting (@brockskretting) November 24, 2022
پولیس کے مطابق اگرچہ تمام شترمرغ پکڑ لیے گئے تاہم ان میں سے ایک شاہراہ پر تیز رفتار گاڑی کی ٹکر سے ہلاک ہو گیا۔
پولیس اہلکار کا کہنا تھا کہ جب انھیں پہلی کال موصول ہوئی تو انھوں نے اسے جعلی کال سمجھا، تاہم اس کے بعد کئی لوگوں کی کالیں آئیں، جن میں کہا جا رہا تھا کہ بڑی تعداد میں شتر مرغ بھاگتے پھر رہے ہیں، اور ٹریفک میں خلل ڈال رہے ہیں۔