نئے بلدیاتی نظام کے ذریعے پنجاب بدلنے جا رہا ہے: علیم خان -
The news is by your side.

Advertisement

نئے بلدیاتی نظام کے ذریعے پنجاب بدلنے جا رہا ہے: علیم خان

لاہور: صوبائی وزیر بلدیات علیم خان کا کہنا ہے کہ نئے بلدیاتی نظام کے ذریعے پنجاب بدلنے جا رہا ہے، تحریک انصاف اپوزیشن کی وکٹیں اڑانے کا سلسلہ جاری رکھے گی۔

تفصیلات کے مطابق صوبائی وزیر بلدیات علیم خان سے چیئرمین میونسپل کمیٹی صفدر آباد، خالد محمود بھٹی نے ملاقات کی۔ چیئرمین میونسپل کمیٹی صفدر آباد کی کونسلرز کے ہمراہ تحریک انصاف میں شمولیت اختیار کی۔

علیم خان سے پی پی 143 سے صوبائی اسمبلی کی نشست کے رنر اپ سردار سرفراز ڈوگر نے بھی ملاقات کی۔ علیم خان نے پارٹی میں شامل ہونے والوں کا خیر مقدم کیا۔

اس موقع پر علیم خان نے کہا کہ ملکی سیاست ٹی 20 یا ون ڈے نہیں، ٹیسٹ میچ ہے۔ عمران خان کے چوکوں چھکوں سے اپوزیشن چاروں شانے چت ہوگی۔ تحریک انصاف اپوزیشن کی وکٹیں اڑانے کا سلسلہ جاری رکھے گی۔

علیم خان کا کہنا تھا کہ 10 سال پنجاب میں اندھیر نگری والوں کو آج بہت کچھ یاد آرہا ہے۔ ملک کا حلیہ بگاڑ دیا گیا، بڑے آپریشن کرنے جا رہے ہیں۔ بے دردی سے ملکی خزانہ لوٹنے والے آج ہمدردی جتا رہے ہیں۔

انہوں نے مزید کہا کہ اپوزیشن کی عمران خان کا راستہ روکنے کی کوشش ناکام جائے گی، نئے بلدیاتی نظام کے ذریعے پنجاب بدلنے جا رہا ہے۔

Comments

comments

یہ بھی پڑھیں