کشمیر کی آزادی پرکوئی سمجھوتہ نہیں ہوسکتا، وزیر پنجاب علیم خان
The news is by your side.

Advertisement

کشمیر کی آزادی پرکوئی سمجھوتہ نہیں ہوسکتا، وزیر پنجاب علیم خان

لاہور : سینئروزیرپنجاب علیم خان کا کہنا ہے کہ وزیراعظم نے خطے کی بہتری کیلئے قدم بڑھایا مثبت جواب نہیں ملا، کشمیر کی آزادی پر کوئی سمجھوتہ نہیں ہوسکتا۔

تفصیلات کے مطابق سینئر وزیرپنجاب علیم خان نے بھارت کی جانب سے وزرائے خارجہ کی ملاقات سے انکار پر درعمل دیتے ہوئے کہا بھارت کی اصلیت ایک بار پھر ظاہر ہوگئی، پاکستان اپنے مفادات کا تحفظ ہر قیمت پر یقینی بنائے گا۔

علیم خان کا کہنا تھا کہ بھارت کو اصل تکلیف مسئلہ کشمیر سے ہے، سفارتی آدابِ نظر انداز کرنے والوں کو احساس کرنا ہوگا۔

رہنما پی ٹی آئی نے کہا کہ وزیراعظم نے خطے کی بہتری کیلئے قدم بڑھایا مثبت جواب نہیں ملا، کشمیر کی آزادی پر کوئی سمجھوتہ نہیں ہوسکتا۔

یاد رہے وزیراعظم عمران خان نے بھارتی ہم منصب نریندر مودی کو خط لکھا تھا جس میں مذاکرات کا سلسلہ بحال کرنے پر زور دیتے ہوئے کہا تھا کہ تنازع کشمیراور دہشت گردی سمیت تمام مسائل بات چیت سے حل کرنا ہوں گے۔

خط میں وزیراعظم عمران خان نے وزیرخارجہ شاہ محمود قریشی کی بھارتی وزیرخارجہ سشما سوراج سے ملاقات پربھی زور دیا تھا۔

مزید پڑھیں : بھارت مذاکرات سے بھاگ گیا، بھارتی وزیر خارجہ کا ملاقات سے انکار

جس کے بعد بھارت نے پہلے حامی مذاکرات کے لئے حامی بھری اور بعد میں پاک بھارت وزرائے خارجہ کی نیویارک میں ہونے والی ملاقات سے انکار کردیا تھا، بھارتی وزارت خارجہ کا کہنا تھا پاک بھارت وزارائے خارجہ ملاقات نہیں ہوگی۔

خیال رہے کہ دونوں ممالک کے وزرائے خارجہ کے درمیان 27 ستمبر کو نیویارک میں ملاقات طے پاگئی تھی، امریکا کی جانب سے بھی اقوام متحدہ کی جنرل اسمبلی کے اجلاس کے دوران پاک بھارت وزارئے خارجہ کی ملاقات کو خوش آئند قرار دیا گیا تھا۔

واضح رہے بھارتی وزیراعظم نریندر مودی نے عمران خان کو ٹیلی فون کرکے انتخاب میں کامیابی پرمبارکباد پیش کی تھی۔

بھارتی وزیراعظم کا کہنا تھا کہ پاکستان کے ساتھ تعلقات میں نئے دور کے آغاز پرتیار ہیں تاہم معاملات آگے بڑھانے کے لیے دونوں ممالک کو مشترکہ حکمت عملی اپنانا ہوگی۔

Comments

comments

یہ بھی پڑھیں