ہرمنصوبے میں مال کھایا گیا، اربوں کی دیہاڑیاں لگائی گئیں‘ علیم خان -
The news is by your side.

Advertisement

ہرمنصوبے میں مال کھایا گیا، اربوں کی دیہاڑیاں لگائی گئیں‘ علیم خان

لاہور: صوبائی وزیر بلدیات عبدالعلیم خان کا کہنا ہے کہ 4 سال تک کوئی نیا منصوبہ نہ کریں توبھی جاری منصوبوں کی تکمیل مشکل ہے۔

تفصیلات کے مطابق سینئر صوبائی وزیرعبدالعلیم خان نےغیرملکی نشریاتی ادارے کو انٹرویو میں کہا کہ اورنج لائن ٹرین سمیت کوئی منصوبہ رول بیک نہیں ہوگا۔

علیم خان نے کہا کہ شہبازشریف کے پیروکارنہیں کہ سابقہ حکومت کے پروجیکٹ بند کردیں، سابقہ حکومت نے پنجاب میں بھی لوٹ مارکی انتہا کردی۔

صوبائی وزیر بلدیات نے کہا کہ خزانہ خالی ہے بھکی سمیت بجلی کے منصوبے سفید ہاتھی ہیں، 4سال کوئی نیا منصوبہ نہ کریں توبھی جاری منصوبوں کی تکمیل مشکل ہے۔

انہوں نے کہا کہ بھاری اورمستقل سبسڈی حکومتی خزانے پرظلم اوربڑا بوجھ ہے، ہرمنصوبےمیں مال کھایا گیا، اربوں کی دیہاڑیاں لگائی گئیں۔

صوبائی وزیر بلدیات علیم خان نے کہا کہ صاف پانی منصوبے میں مزید ہوشربا حقائق سامنے آئیں گے۔

انہوں نے کہا کہ نیا بلدیاتی نظام گراس روٹ لیول پرصوبے کی حالت بدلے گا، پہلی مرتبہ بلدیاتی نمائندوں کواختیارات دینے جا رہے ہیں۔

سعودی حکومت کی طرح کرپشن کے خلاف جنگ کریں گے، عمران خان

یاد رہے کہ گزشتہ ہفتے وزیراعظم عمران خان کا کہنا تھا کہ سعودی عرب کی طرح ہماری حکومت بھی کرپشن کے خلاف جنگ کرے گی

Comments

comments

یہ بھی پڑھیں