پنجاب اسمبلی پر دھاوا بولنے والوں کو شرم آنی چاہیے، عبد العلیم خان -
The news is by your side.

Advertisement

پنجاب اسمبلی پر دھاوا بولنے والوں کو شرم آنی چاہیے، عبد العلیم خان

لاہور: سینئر وزیر پنجاب عبد العلیم خان نے اپوزیشن جماعت پر تنقید کرتے ہوئے کہا ہے کہ پنجاب اسمبلی پر دھاوا بولنے والوں کو شرم آنی چاہیے۔

پی ٹی آئی رہنما نے کہا کہ ابا جی کے بعد ’بیٹے جی‘ کی باری ہے، حشر عبرت ناک ہوگا، جنھوں نے پنجاب اسمبلی پر دھاوا بولا، انھیں شرم آنی چاہیے۔

احتجاج کرنا ہے تو کنٹینر لے کر دیتے ہیں شوق پورا کر لیں: سینئر وزیر

سینئر وزیرِ پنجاب نے مزید کہا کہ 10 سال ملک لوٹنے والوں کو ہر حال میں جواب دینا ہوگا، احتجاج کرنا ہے تو کنٹینر لے کر دیتے ہیں شوق پورا کر لیں۔

عبد العلیم خان نے کہا کہ کل تک دوسروں کو بھاشن دینے والوں کو آج احتجاج کیوں یاد آ گیا؟ ن لیگ ریکارڈ درست کرلے کیسز موجودہ حکومت میں نہیں بنے۔

تحریکِ انصاف کے رہنما نے مزید کہا کہ کسی کرپٹ کے ریمانڈ کے خلاف ایوان کے باہر احتجاج انوکھا اقدام ہے، ن لیگ کے کرپشن بچاؤ مہم کے غبارے سے جلد ہوا نکلے گی۔


یہ بھی پڑھیں:   شہباز شریف کی گرفتاری، ن لیگ کے رہنماؤں نے پنجاب اسبلی پر دھاوا بول دیا


ان کا کہنا تھا کہ شریف خاندان خدا کا خوف رکھتے تو آج ملک مقروض نہ ہوتا۔ خیال رہے کہ پاکستان تحریکِ انصاف کے رہنماؤں کا کہنا ہے کہ پچھلی حکومت کی پالیسیوں اور کرپشن کی وجہ سے ملک پر قرضوں کا بے انتہا بوجھ آ پڑا ہے۔

واضح رہے کہ مسلم لیگ ن کی جانب سے سابق وزیر اعلیٰ پنجاب شہباز  شریف کی گرفتاری کے معاملے پر پنجاب اسمبلی کا اجلاس نہ بلائے جانے کے خلاف آج سہ پہر اسمبلی کی سیڑھیوں پر اجلاس بلایا گیا تھا تاہم انتظامیہ کی جانب سے پنجاب اسمبلی کا مرکزی گیٹ سیمنٹ کی بوریوں اور خاردار تاروں کے ذریعے بند کردیا گیا تھا۔

Comments

comments

یہ بھی پڑھیں