The news is by your side.

Advertisement

علیمہ خان کے کاروبار اور ٹیکس کی تفصیلات منظر عام پر آگئیں

لاہور: وزیراعظم عمران خان کی ہمشیرہ علیمہ خان کے کاروبار اور ٹیکس کی تفصیلات منظر عام پر آگئیں۔

تفصیلات کے مطابق وزیراعظم عمران خان کی ہمشیرہ علیمہ خان کے کاروبار کی تفصیلات منظر عام پر آگئیں جس کے مطابق علیمہ خان کے نام پر ایس ای سی پی میں ایک کمپنی رجسٹرڈ ہے۔

ذرائع کے مطابق علیمہ خان کاٹ کام سورسنگ پرائیویٹ لمیٹڈ کی سی ای او ہیں، علیمہ خان کے دو بیٹے شاہریز اور شیرشاہ کمپنی کے ڈائریکٹر ہیں، علیمہ خان کا نام ایکٹو ٹیکس پیئر میں موجود ہیں۔

علیمہ خان کی کمپنی کاٹ کام نے 2013 میں 20 لاکھ 62 ہزار روپے سے زائد ٹیکس ادا کیا، کاٹ کام نے 2014 میں 24 لاکھ 90 ہزار روپے سے زائد ٹیکس جمع کرایا۔

ذرائع کے مطابق کاٹ کام نے 2015 میں 32 لاکھ 82 ہزار روپے سے زائد ٹیکس ادا کیا، کاٹ کام نے 2016 میں 18 لاکھ 27 ہزار روپے سے زائد ٹیکس ادا کیا۔

مزید پڑھیں: وزیراعظم کی بہن علیمہ خان نے غیرقانونی جائیدادوں کے الزامات مسترد کردیے

علیمہ خان نے 2016 میں ایک لاکھ 30 ہزار روپے سے زائد ٹیکس ادا کیا، انہوں نے 2015 میں ایک لاکھ 86 ہزار روپے سے زائد ٹیکس جمع کرایا۔

ذرائع کے مطابق علیمہ خان نے 2014 میں ایک لاکھ 58 ہزار روپے سے زائد ٹیکس دیا، کاٹ کمپنی بیرون ملک ٹیکسٹائل مصنوعات ایکسپورٹ کرتی ہے، کاٹ کمپنی کے امریکا، یورپ، خلیجی ممالک میں تیس سے زائد لائںٹس ہیں۔

واضح رہے کہ میڈیا سے گفتگو کرتے ہوئے علیمہ خان کا کہنا تھا کہ میرا ایکسپورٹ کا کام ہے، میری سلائی مشینوں کا مذاق اُڑایا گیا ہے، ساری جائیداد ظاہر کی ہے امریکا کی جائیداد بھی ریکارڈ پر موجود ہے۔

Comments

comments

یہ بھی پڑھیں