اسلام آباد : بانی پی ٹی آئی کی ہمشیرہ علیمہ خان کے رؤف حسن کے ساتھ واٹس ایپ پیغامات سامنے آگئے، جس بشریٰ بی بی کے پیغام کی تشہیر سے روکا گیا۔
تفصیلات کے مطابق پاکستان تحریک انصاف کے رہنما رؤف حسن کےموبائل فون کے فرانزک سے مزیدچیزیں سامنے آگئی ہے۔
سیکیورٹی ذرائع کا کہنا ہے کہ فرانزک میں بانی پی ٹی آئی کی ہمشیرہ علیمہ خان کے رؤف حسن کے ساتھ واٹس ایپ پیغامات سامنے آئے۔
سیکیورٹی ذرائع نے بتایا کہ انی پی ٹی آئی کی ہمشیرہ نے رؤف حسن کو بشریٰ بی بی کے پیغام کی تشہیر سےروک دیا، بشریٰ بی بی سے منسوب پیغام میں بانی پی ٹی آئی سے جیل ملاقات کا ذکر ہے۔
بانی پی ٹی آئی کی ہمشیرہ نے لکھا بشریٰ کاپیغام احمقانہ ہے،ڈس انفارمیشن سیل لوگوں کواکسارہاہے، ان کاپیغام آگے نہ بڑھائیں، بانی پی ٹی آئی نے ایسی کوئی بات نہیں کی۔
سیکیورٹی ذرائع کا کہنا تھا کہ بشریٰ بی بی نے پیغام میں کہاتھاجیل میں بانی پی ٹی آئی سے اکیلے نہیں ملنےدیاگیا جبکہ پیغام میں بانی پی ٹی آئی،جیلرکےدرمیان فرضی گفتگوکاتذکرہ ہے۔
بشریٰ بی بی نے پیغام میں کہا بانی نے بتایا جیلر پرانہیں مارنے کیلئےدباؤہے،اگربانی پی ٹی آئی کو کچھ ہواتوعوام جیلرکونہیں چھوڑیں گے۔
