لندن: برطانوی اوپننگ بلے باز ایلکس ہیلز پر 21 روز کی پابندی عائد کردی گئی، جس کے بعد وہ پاکستان کے خلاف سیریز سے باہر ہوگئے۔
تفصیلات کے مطابق پاکستان کے خلاف سیریز سے قبل انگلش ٹیم کو جھٹکا لگ گیا، ڈرگ پالیسی کی خلاف ورزی پر برطانوی کرکٹر ایلکس ہیلز پر 21 روز کی پابندی عائد کردی گئی۔
ایلکس ہیلز تین ہفتوں کرکٹ کی سرگرمیوں میں حصہ نہیں لے سکیں گے، اوپننگ بلے باز اس سے پہلے بھی ڈرگ پالیسی کی خلاف ورزی کے مرتکب پائئے گئے تھے۔
30 مئی سے ورلڈ کپ شروع ہورہا ہے جہاں میزبان انگلینڈ اپنا پہلا میچ جنوبی افریقا کے درمیان کھیلے گی تاہم اس سے قبل ہیلز ٹیم کو دستیاب ہوں گے، ہیلز پرامید ہے کہ انہیں ٹریننگ سیشن میں حصہ لینے دیا جائے گا۔
مزید پڑھیں: اسٹیڈیم کے باہر تصادم، اسٹوکس تفتیش کے لیے گرفتار
خیال رہے کہ گزشتہ سال ستمبر میں بین اسٹوکس کو برسٹل میں ویسٹ انڈیز کے خلاف تیسرے ون ڈے میچ کے بعد نائٹ کلب کے باہر جھگڑا کرنے پرپولیس نے گرفتار کیا تھا۔
بین اسٹوکس کو اس واقعے کے بعد رات پولیس اسٹیشن میں گزارنی پڑی تھی جبکہ وہ ایشز سریز میں بھی انگلینڈ کی نمائندگی نہیں کرسکے تھے۔
برطانوی عدالت نےانگلینڈ کرکٹ ٹیم کےآل راؤنڈر سمیت دیگر دوکھلاڑیوں پر گزشتہ برس ستمبر میں برسٹل میں نائٹ کلب کے باہرجھگڑا کرنے سے متعلق فرد جرم عائد کردی تھی۔
