عالمی برادری مسئلہ کشمیرکے حل کے لیے کردارادا کرے‘ علی امین گنڈاپور -
The news is by your side.

Advertisement

عالمی برادری مسئلہ کشمیرکے حل کے لیے کردارادا کرے‘ علی امین گنڈاپور

اسلام آباد : یوم یکجہتی کشمیرپروفاقی وزیرامور کشمیرعلی امین گنڈاپور نے کہا کہ کشمیری بھائیوں کوغیرمتزلزل حمایت کا یقین دلاتے ہیں۔

تفصیلات کے مطابق یوم یکجہتی کشمیر کے موقع پروفاقی وزیرامورکشمیرعلی امین گنڈاپور نے اپنے پیغام میں کہا کہ کشمیری عوام کو7 دہائیوں سے بھارتی مظالم کا سامنا ہے۔

علی امین گنڈاپور نے کہا کہ بھارت سلامتی کونسل قراردادوں کے نفاذ سے مسلسل انکاری ہے، عالمی برادری مسئلہ کشمیرکے حل کے لیے کردارادا کرے۔

وفاقی وزیرامورکشمیرعلی امین گنڈاپور نے کہا کہ بھارت کشمیریوں کے حق خودارادیت پرٹال مٹول سے کام لے رہا ہے۔

انہوں نے کہا کہ کشمیری حق خودارادیت کے لیے جانوں کا نذرانہ دے رہے ہیں، اقوام متحدہ کی رپورٹ نے مقبوضہ کشمیرمیں ظالمانہ کارروائیوں کو اجاگرکیا۔

وفاقی وزیرامورکشمیرعلی امین گنڈاپور نے کہا کہ کشمیری بھائیوں کوغیرمتزلزل حمایت کا یقین دلاتے ہیں۔

یوم یکجہتی کشمیر آج ملک بھر میں جوش وخروش سے منایا جارہا ہے

واضح رہے کہ پاکستان سمیت دنیا بھر میں آج یوم یکجہتی کشمیر منایا جا رہا ہے جس کا مقصد پاکستانی قوم کی طرف سے کشمیریوں کی اقوام متحدہ کی قراردادوں کے مطابق خودارادیت کے ناقابل تنسیخ حق کے حصول کی جدوجہد میں ان کے ساتھ مکمل حمایت کا اظہار کرنا ہے۔

Comments

comments

یہ بھی پڑھیں