The news is by your side.

Advertisement

مولانا صاحب کے دوبارہ الیکشن کروانے کا شوق بھی پورا کریں گے ، علی امین گنڈا پور

لاہور : پاکستان تحریک انصاف کے علی امین گنڈا پور نے اعلان کیا ہے کہ مولانا صاحب ووٹوں کی گنتی کراناچاہیں توبھی تیار ہیں، دوبارہ الیکشن کروانے کا شوق ہے تو وہ بھی پورا کریں گے۔

تفصیلات کے مطابق مولانا فضل الرحمان کو شکست دینے والے پاکستان تحریک انصاف کے امیداوار علی امین گنڈا پور نے دوبارہ انتخابات کرانے کے لیے تحریک چلانے کے بیان پر ردعمل دیتے ہوئے کہا کہ مولوی صاحب جیسے چاہیں نتائج کی پڑتال کیلئے تیار ہیں، ووٹوں کی گنتی کرانا چاہیں تو بھی تیار ہیں۔

علی امین گنڈاپور کا کہنا تھا کہ مولانا صاحب کو دوبارہ الیکشن کروانے کا شوق ہے تو وہ بھی پورا کریں گے، ان کی مرضی کے انتظامات کئے جائیں تو بھی مقابلے کیلئے تیار ہیں۔

رہنما پی ٹی آئی نے کہا ان کی شرارت کی سیاست دفن کرنے کا پختہ عزم کئے ہوئے ہیں۔


مزید پڑھیں : آل پارٹیز کانفرنس، دوبارہ انتخابات کے لیے تحریک چلانے کا اعلان


گذشتہ روز انتخابات میں مبینہ دھاندلی سے متعلق وفاقی دارالحکومت میں آل پارٹیز کانفرنس میں جمعیت علماء اسلام (ف) کے سربراہ مولانا فضل الرحمان کا کہنا تھا کہ آل پارٹیز کانفرنس میں شریک جماعتوں نے الیکشن کو مسترد کردیا، دوبارہ انتخابات کرانے کے لیے تحریک چلائیں گے۔

مولانا فضل الرحمان کا کہنا تھا کہ کانفرنس میں تمام جماعتوں نے اتفاق کیا کہ کوئی بھی رکن حلف نہیں اٹھائے گا البتہ شہباز شریف نے اس کی مخالفت کی، پارلیمنٹ کے اندر الیکشن کمیشن کو اختیارات دیے اور اب ملک میں ازسر نو جمہوریت کی بحالی کے لیے ہم سب آگے بڑھیں گے اور دیکھیں گے کہ یہ لوگ ایوان کس طرح چلائیں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں