The news is by your side.

Advertisement

قوم اپنے جوانوں کی لازوال قربانیوں کو ہمیشہ یاد رکھے گی، علی امین گنڈاپور

اسلام آباد: وفاقی وزیر امور کشمیر علی امین گنڈاپور نے کہا ہے کہ بھارتی جارحیت ہمیں کشمیریوں کی حمایت سے دستبردار نہیں کروا سکتی۔

تفصیلات کے مطابق وفاقی وزیرعلی امین گنڈاپور نے کشمیر و گلگت بلتستان کی ایل او سی پر بھارتی جارحیت کی مذمت کرتے ہوئے کہا کہ قوم اپنے جوانوں کی لازوال قربانیوں کو ہمیشہ یاد رکھے گی۔

علی امین گنڈاپور نے کہا کہ بھارتی جارحیت ہمیں کشمیریوں کی حمایت سے دستبردار نہیں کرواسکتی، مسئلہ کشمیر پر اپنے اصولی موقف سے ایک انچ پیچھے نہیں ہٹیں گے۔

وفاقی وزیر امور کشمیر نے کہا کہ امید کرتے ہیں سلامتی کونسل اجلاس میں ٹھوس اقدامات اٹھائے گی۔

انہوں نے کہا کہ مودی نے بھارت کی جڑوں کو کھوکھلا کرنے کی بنیاد رکھ دی ہے، بھارت سے نئی آزاد ریاستوں کا جنم عنقریب ہے۔

مسئلہ کشمیر پر اپنے مؤقف سےایک انچ بھی پیچھے نہیں ہٹیں گے، علی امین گنڈاپور

یاد رہے کہ گزشتہ روز وفاقی وزیرعلی امین گنڈاپور کا کہنا تھا کہ نام نہاد سیکولر بھارت کا چہرہ بے نقاب ہو چکا ہے، انتہا پسندوں نے بھارت میں اقلیتوں پر زندگی تنگ کر

دی ہے۔

وفاقی وزیرامور کشمیرعلی امین گنڈاپور کا کہنا تھا کہ امن ترجیح ہے، کسی قسم کی بھارتی جارحیت کا منہ توڑ جواب دیں گے۔

Comments

comments

یہ بھی پڑھیں