The news is by your side.

Advertisement

علی گیلانی کشمیر کاز پر غیر متزلزل عزم سے ڈٹے رہے، دفتر خارجہ

اسلام آباد : دفتر خارجہ نے حریت رہنما کی موت پر اظہار افسوس کرتے ہوئے کہا کہ جبرو استبداد کا کوئی ہتھکنڈا سید علی گیلانی کے آہنی عزم کی راہ میں رکاوٹ نہ بن سکا۔

کشمیر کے حریت رہنما سید علی گیلانی کی موت پر پاکستان کی حکومت اور عوام رنج و غم کا اظہار کرتے ہیں اور سید علی گیلانی کو خراج عقیدت پیش کرتے ہیں، ترجمان دفتر خارجہ سید علی گیلانی کشمیریوں کی مزاحمت کی علامت تھے۔

ترجمان دفتر خارجہ کا کہنا تھا کہ سید علی گیلانی طویل عرصہ گھر میں نظر بند رہے، لیکن عمر بھر انصاف اور آزادی کے حصول کی جدوجہد نہ چھوڑی۔

دفتر خارجہ نے کہا کہ سید علی گیلانی کو قوم شاندار الفاظ میں خراج عقیدت پیش کرتی ہے، کیوں کہ حریت رہنما کشمیر کاز پر غیر متزلزل عزم سے ڈٹے رہے۔

ترجمان نے کہا کہ سید علی گیلانی نے کشمیر کی تین نسلوں کی ایک نیا عزم و حوصلہ دیا جس کی بڑی وجہ یہ تھی کہ جبرو استبداد کا کوئی ہتھکنڈا ان کے آہنی عزم کی راہ میں رکاوٹ نہ بن سکا۔

سید علی گیلانی استصواب رائے کی کشمیریوں کی تحریک کی حقیقی آواز تھے اور لمحہ بھر کےلئے بھی اپنی نظریاتی سمت سے غافل نہیں ہوئے۔

ترجمان دفتر خارجہ کا مزید کہنا تھا کہ پاکستان اور کشمیر سے ان کی بے مثال وابستگی پر انہیں ہمیشہ یاد رکھا جائے گا، ان کی یاد اہل کشمیر کے جذبے اور تحریک کو آگے بڑھاتی رہے گی۔

Comments

یہ بھی پڑھیں