The news is by your side.

Advertisement

سینیٹ ووٹ کی خریداری : علی حیدر گیلانی کی آڈیو پر ناصر حسین شاہ کا اہم بیان

کراچی : علی حیدر گیلانی کے پی ٹی آئی ایم این ایز کو خریدنے کے تانے بانے کہاں سے ملتے ہیں؟ اس حوالے سے اے آر وائی نیوز کے پروگرام پاور پلے میں سندھ کے وزیر ناصر نے صورتحال سے آگاہ کیا۔

پروگرام کے میزبان ارشد شریف کے سوالات کے جواب دیتے ہوئے ناصر شاہ نے بتایا کہ علی حیدر گیلانی ہی بتا سکتے ہیں وہ کس سے ایم این ایز کی بات کروارہے تھے؟

ناصرحسین شاہ کا کہنا تھا کہ میرا نام لے کر کس سے کیا بات کرائی گئی اس سے متعلق مجھے کوئی علم نہیں اور نہ ہی پارٹی کی جانب سے سینیٹ الیکشن سے متعلق مجھے کوئی ذمہ داری دی گئی۔

ایک سوال کے جواب میں ناصرحسین شاہ کا کہنا تھا کہ علی حیدرگیلانی سے براہ راست کوئی رابطہ نہیں ہے لیکن ان کے والد یوسف رضا گیلانی سے رابطہ رہتا ہے۔

واضح رہے کہ علی حیدر گیلانی کی ویڈیو کے بعد صوبائی وزیر سندھ ناصر حسین شاہ کے ساتھ مبینہ آڈیو کال بھی منظر عام پر آگئی جس میں علی حیدر گیلانی کسی نامعلوم شخصیت سے گفتگو کررہے ہیں۔

گفتگو میں ان کا کہنا تھا کہ ناصرشاہ سے بات ہوئی ہے وہ کہہ رہے ہیں کہ تھوڑا تو نیچے آجائیں، جیسے ترقیاتی کام چاہئیں ہم کروا کردیں گے، چاہے وہ دس کروڑ روپے کے ہی کیوں نہ ہوں۔

علی حیدرگیلانی کی آڈیو ٹیپ میں کہا گیا کہ ہماری جانب سے16کروڑ کی آفر ہوئی تھی، معاملہ20کروڑ تک بھی پہنچا ہوا ہے، فاٹا میں اور کے پی میں ہر جگہ ایک ہی ریٹ ہے جبکہ کراچی میں ایم کیو ایم کا ریٹ تھوڑا اوپر ہے۔

آڈیوٹیپ میں سنا جاسکتا ہے کہ آپ کے لیے انہوں نے کہا ہے کہ جیسا چاہیں ویسا کام کرا کردیں گے، یہاں پے منٹ کریں گے تو مسئلہ ہوگا لے کر کیسے جائیں گے، یہاں پر بہت ساری آنکھیں ہیں، پیسے لے جانا مشکل ہے۔

Comments

یہ بھی پڑھیں