امریکا میں پاکستانی سفیر علی جہانگیر پر مقدمات ہیں، انہیں جلد واپس بلائیں گے: بیرسٹر شہزاد اکبر
The news is by your side.

Advertisement

امریکا میں پاکستانی سفیر علی جہانگیر پر مقدمات ہیں، انہیں جلد واپس بلائیں گے: بیرسٹر شہزاد اکبر

کراچی: مشیر برائے احتساب بیرسٹر شہزاد اکبر نے کہا ہے کہ امریکا میں پاکستانی سفیر علی جہانگیر صدیقی پر مقدمات ہیں، انہیں جلد واپس بلائیں گے۔

ان خیالات کا اظہار انہوں نے اے آر وائی نیوز کے پروگرام پاور پلے میں گفتگو کرتے ہوئے کیا، بیرسٹر شہزاد اکبر کا کہنا تھا کہ اشتہاری ملزمان اسحاق ڈار، حسین اور حسن نواز کی جائیداد کی ضبطی اور نیلامی نیب کی ذمہ داری ہے۔

انہوں نے کہا کہ ایف بی آر کو یکم ستمبر سے سو ممالک میں پیسوں کی معلومات مل جائے گی، ہمارا صرف ایک کیس نہیں بلکہ تمام کیسز پر فوکس ہے۔

مشیر برائے احتساب کا ٹاسک فورس سے متعلق کہنا تھا کہ ٹاسک فورس کی آج پہلی میٹنگ ہوئی تھی، ٹاسک فورس تمام منی لانڈرنگ مقدمات کا جائزہ لے گی۔

نیب نے امریکا میں تعینات پاکستانی سفیرعلی جہانگیر صدیقی کو طلب کرلیا

ان کا کہنا تھا کہ سب سے پہلے ڈھانچہ بنائیں گے اس کے بعد مقدمات دیکھیں گے، حکومت تمام کام شفافیت کے ساتھ کرے گی، ٹاسک فورس میں وزارت خارجہ کو بھی شامل کیا گیا ہے۔

یادر ہے کہ نیب کی جانب سے علی جہانگیر صدیقی کو ایزگارڈ نامی کمپنی کیس میں 27 اگست کو 11 بجے ذاتی حیثیت میں طلب کیا تھا۔

واضح رہے کہ سفارتی حلقوں کی جانب سےعلی جہانگیر صدیقی کی تعیناتی کو میرٹ کے خلاف قرار دیا گیا تھا، کیونکہ وہ مطلوبہ تعلیم اور سفارتی معاملات کو دیکھنے کی اہلیت نہیں رکھتے۔

خیال رہے کہ علی جہانگیر صدیقی ملک کے معروف کاروباری گروپ جے ایس گروپ کے مالک جہانگیر صدیقی کے صاحبزادے ہیں۔

Comments

comments

یہ بھی پڑھیں