اسلام آباد: وزیر مملکت برائے پارلیمانی امور علی محمد خان نے کہا کہ بھارت حملہ کرچکا ہے اور ہم نے جواب دینا ہے ،غزوہ ہند کیلئے تیاریاں کی جارہی ہیں، نشانیاں عیاں ہوچکی ہیں، ہم پوری طرح تیار ہیں، بھارت کو منہ توڑ جواب دیں گے۔
تفصیلات کے مطابق وزیر مملکت برائے پارلیمانی امور علی محمد خان نے اپنے بیان میں کہا کشمیریوں کی آزادی تک ان کے ساتھ ہیں اور رہیں گے۔
علی محمدخان کا کہنا تھا کہ مودی کشمیریوں کوذہنی طورپرٹارچرکرناچاہتا ہے، کشمیرکی تحریک کوختم کرناچاہتاہے،مقبوضہ وادی میں مظلوم کشمیریوں کی نسل کشی کی جارہی ہے، مودی سرکار ہندوتوا کے نظریے پر کار بند ہے، اقلیتوں کاخاتمہ کررہی ہے۔
بھارت حملہ کرچکاہےاورہم نے جواب دینا ہے
وزیر مملکت نے کہا بھارت حملہ کرچکاہےاورہم نے جواب دینا ہے ، کیاآپ کو نہیں پتہ بھارت کوکس طرح جواب دیناہے، غزوہ ہند کیلئے تیاریاں کی جارہی ہیں، نشانیاں عیاں ہوچکی ہیں، ہم پوری طرح تیار ہیں، بھارت کومنہ توڑجواب دیں گے۔
غزوہ ہند کا آغاز ہوچکا ہے اب ہم نے جہاد کرنا ہے
ان کا کہنا تھا کہ پاکستان کابچہ بچہ ملک کے دفاع اور کشمیریوں کے لئے جان دینے کو تیار ہے، غزوہ ہند کا آغاز ہوچکا ہے اب ہم نے جہاد کرنا ہے۔
خیال رہے مقبوضہ کشمیرمیں بھارت کی ریاستی دہشتگردی جاری ہے، بتیس روز سے جاری کرفیو کے باعث کشمیری گھروں میں اسیری کی زندگی گزارنے پر مجبور ہیں۔ کھانے پینے کی اشیااوردوائیں ختم ہونے سے بحران سنگین ہوگیا جبکہ مواصلاتی ذرائع کی بندش سے مقبوضہ وادی کا رابطہ دنیا سے بدستورمنقطع ہے۔
قابض بھارتی فوجی گھرگھرتلاشی کے دوران کشمیری نوجوانوں کوگرفتاراورخواتین سے بدسلوکی کررہے ہیں۔ نیٹ سید علی گیلانی، میرواعظ عمرفاروق،یاسین ملک سمیت حریت رہنما یا توگرفتارہیں یاپھرنظربندہیں۔
