The news is by your side.

Advertisement

مودی صاحب اپنے پائلٹ کو جہاز اڑانا سکھا کر بھیجا کریں، بار بار ابھی نندن واپس نہیں کئے جاسکتے

پاکستان کا دشمن نمبرون اسرائیل ہے

اسلام آباد : وزیرمملکت پارلیمانی امورعلی محمدخان کا کہنا ہے کہ مودی صاحب اپنے پائلٹ کو جہاز اڑانا سکھا کر بھیجا کریں، بار بار ابھی نندن واپس نہیں کئے جاسکتے ، پاکستان کا دشمن نمبرون اسرائیل ہے۔

تفصیلات کے مطابق اسلام آباد میں وزیرمملکت پارلیمانی امورعلی محمدخان نے تقریب سے خطاب کرتے ہوئے کہا قومیں ہمیشہ آفات اور مسائل سے نمٹنے کیلئے تیار ہوتی ہیں، مودی صاحب اپنے پائلٹ کو جہاز اڑانا سکھا کر بھیجا کریں، بار بار ابھی نندن واپس نہیں کئے جاسکتے۔

وزیرمملکت کا کہنا تھا ہماری پروفیشنل آرمڈ فورسزہیں اور قوم ان کے پیچھے کھڑی ہے، پاکستان کا دشمن نمبرون اسرائیل ہے۔

علی محمدخان نے کہا 2009 اور 10 کے سیلاب نے بہت تباہی مچائی، عمران خان ماحول سے پیدا تبدیلیوں کو بخوبی سمجھتے ہیں، وزیراعظم عمران خان نے بلین ٹری سونامی شروع کیا۔

ان کا مزید کہنا تھا بطورقوم قدرتی آفات سے نمٹنےکیلئے تیار رہنےکی ضرورت ہے، حالیہ بارشوں نےبلوچستان میں تباہی مچائی۔

مزید پڑھیں : بھارت اب بازنہ آیا تو اس کے ہزار ٹکڑے کریں گے،علی محمد خان

یاد رہے قومی اسمبلی میں وزیرمملکت برائے پارلیمانی امورعلی محمد خان کا کہنا تھا کہامن کی خواہش کو کمزوری نہ سمجھا جائے، پاکستان ایک ایٹمی ملک ہے۔

ان کا مزید کہنا تھا  پاکستان کلمہ طیبہ کی بنیاد پربننے والا ملک ہے تاقیامت رہے گا، بھارت اب بازنہ آیا تو اس کے ہزار ٹکڑے کریں گے۔

Comments

comments

یہ بھی پڑھیں