The news is by your side.

Advertisement

بھارت اب بازنہ آیا تو اس کے ہزارٹکڑے کریں گے‘ علی محمد خان

اسلام آباد : وزیرِ مملکت برائے پارلیمانی امور علی محمد خان نے کہا ہے کہ انشااللہ نئی دہلی کے لال قلعہ پرپاکستانی پرچم لہرائیں گے۔

تفصیلات کے مطابق قومی اسمبلی میں وزیرمملکت برائے پارلیمانی امورعلی محمد خان نے کہا کہ پاکستان نے بھارت کوبھرپورجواب دے دیا۔

علی محمد خان نے کہا کہ کیا بھارت کواب مزید اورجواب چاہیے، امن کی خواہش کو کمزوری نہ سمجھا جائے، پاکستان ایک ایٹمی ملک ہے۔

وزیرمملکت برائے پارلیمانی امور علی محمد خان نے کہا کہ بھارت اب بازنہ آیا تو اس کے ہزار ٹکڑے کریں گے۔

وزیرِ مملکت علی محمد خان نے کہا کہ پاکستان کلمہ طیبہ کی بنیاد پربننے والا ملک ہے تاقیامت رہے گا۔ انہوں نے مزید کہا کہ انشااللہ نئی دہلی کے لال قلعہ پرپاکستانی پرچم لہرائیں گے۔

لائن آف کنٹرول کی خلاف ورزی، پاک فضائیہ کا بھرپور جواب، بھارتی طیارے بھاگ گئے

واضح رہے کہ بھارتی ایئرفورس کی لائن آف کنٹرول کی خلاف ورزی کرنے پر پاک فضائیہ نے بھرپور جوابی کارروائی کرتے ہوئے بھارتی طیاروں کو بھاگنے پر مجبور کردیا۔

میجرجنرل آصف غفور کے مطابق بھارتی طیاروں نے مظفرآباد سیکٹر سے دراندازی کی کوشش کی اور بھارتی طیارے اپنا پےلوڈ بالاکوٹ کے قریب گرا کرفرار ہوگئے۔

ڈی جی آئی ایس پی آر کے مطابق بھارتی طیارے مظفر آباد سیکٹر میں 3 سے 4 میل اندر آئے، بھارتی طیاروں نے جلد بازی میں اپنا پےلوڈ کھلےعلاقے میں گرایا۔

Comments

comments

یہ بھی پڑھیں