site
stats
سندھ

فاروق ستار کی قیادت پر اعتماد ہے، علی رضا عابدی

کراچی: ایم کیو ایم کے رکن قومی اسمبلی علی رضا عابدی نے کہا ہے کہ فاروق ستار نے 23 اگست کو جو فیصلہ کیا اُس کی مکمل حمایت اور تائید کرتا ہوں، اس طرح کے اقدامات کراچی میں مقیم تمام قومیتوں کے مفاد میں ہیں۔

تفصیلات کے مطابق ایم کیو ایم پاکستان کے رکن قومی اسمبلی علی رضا عابدی نے ڈاکٹر فاروق ستار اور دیگر اراکین سے عارضی مرکز میں ملاقات کر کے دوبارہ شمولیت کا اعلان کیا۔

رابطہ کمیٹی سے ملاقات کے دوران علی رضا عابدی نے ایم کیو ایم پاکستان کے سربراہ ڈاکٹر فاروق ستار کی قیادت پر اعتماد کا اظہار کرتے ہوئے کہا کہ ’’23 اگست کو ڈاکٹر فاروق ستار کی جانب سے کیا جانے والا فیصلہ مہاجروں اور کراچی میں رہنے والی دیگر قومیتوں کے وسیع تر مفاد میں ہے‘‘۔انہوں نے مزید کہا کہ کراچی کے ہر شہری اور خاص طور پر مظلوموں کو ڈاکٹر فاروق ستار کے ہاتھ مضبوط کرنے چاہیے۔

پڑھیں: ایم کیو ایم پاکستان نےعلی رضا عابدی کی بنیادی رکنیت ختم کردی

متحدہ پاکستان کے کنوئیر ڈاکٹر فاروق ستار، ڈپٹی کنویئر عامر خان اور خالد مقبول صدیقی نے علی رضا عابدی کی واپسی پر انہیں مبارک باد پیش کرتے ہوئے ان کے خیالات کو سراہا اور پارٹی کا کام جاری رکھنے کی ہدایت کی۔

بعد ازاں ایم کیو ایم پاکستان کے سربراہ نے پریس کانفرنس کرتے ہوئے کہا کہ شہر کا مینڈیٹ ہمارے پاس ہی ہے جسے کوئی اور نہیں چھین سکتا۔ انہوں نے مطالبہ کیا کہ مردم شماری شفاف ہونی چاہیے اور کراچی کی آبادی کی صحیح تعداد سامنے آنی چاہیے۔

ڈاکٹر فاروق ستار کا مزید کہنا تھا کہ شفاف مردم شماری ہمارا حق ہے، ایم کیو ایم 8 سالوں سے مسلسل مردم شماری کا مطالبہ کررہی ہے، اگر آبادی کی تعداد میں ردوبدل کرنے کی کوشش کی گئی تو اسے کسی صورت قبول نہیں کیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top