The news is by your side.

Advertisement

علی ظفر، میشا شفیع تنازع، سپر اسٹار کا فیصلہ کن اقدام کا اعلان

لاہور: علی ظفر میشا شفیع تنازع اہم موڑ‌پر پہنچ گیا، سپر اسٹار نے فیصلہ کن اقدام کا عندیہ دے دیا.

تفصیلات کے مطابق علی ظفر اور میشا شفیع کی جانب سے میڈیا اور سوشل میڈیا پر ایک دوسرے کے خلاف الزامات کا سلسلہ جاری ہے.

آج ٹویٹر پر علی ظفر نے اسکرین شاٹس شیئر کرتے ہوئے کہا کہ قانونی کارروائی کے تحت ان سوشل میڈیا اکاؤنٹس کو بند کیا جارہا ہے، جو ان کے خلاف جھوٹا پروپیگنڈا کر رہے تھے.

خیال رہے کہ انھوں نے گزشتہ دونوں الزام لگایا تھا کہ سوشل میڈیا پر جعلی اکاؤنٹس کے ذریعے انھیں بدنام کیا جارہا ہے، ایف آئی اے ان جعلی اکاؤنٹس کے خلاف کارروائی کرے، آج اس طرح کے اکاؤنٹس بند کر دیے گئے ہیں.

مزید پڑھیں: میشا شفیع جنسی ہراسانی کیس، گلوکار علی ظفر آبدیدہ ہوگئے

علی ظفر نے اپنے بیان میں کہا ہے کہ میشا شفیع کے معاملے پرجلد فیصلہ کن چیزیں جاری کروں گا، ہرزبانی، تحریری دعوے یا الزام کا ثبوت کے ساتھ جواب دیا جائے گا.

یاد رہے کہ 29 اپریل 2019 کو اے آر وائی کے پروگرام میں خصوصی گفتگو کرتے ہوئے علی ظفر نے کہا تھا کہ میشا شفیع کو عدالت یا کیمرے کے سامنے الزامات ثابت کرنے کا چیلنج کرتا ہوں، ایک منٹ بھی عدالت یا کیمرے کے سامنے آئیں، ان سے سوال ہوا تو ان کا جھوٹ پکڑا جائے گا، اسی لیے وہ چھپ کر بیٹھی ہیں۔

Comments

comments

یہ بھی پڑھیں