The news is by your side.

Advertisement

علی ظفر کا میشا شفیع کو عدالت یا کیمرے کے سامنے الزامات ثابت کرنے کا چیلنج

کراچی: ادکار وفنکار علی ظفر نے میشاشفیع کو عدالت یا کیمرے کے سامنے الزامات ثابت کرنےکاچیلنج کرتے ہوئے کہا میشا ایک منٹ بھی عدالت یا کیمرے کےسامنے آئیں، ان سے سوال ہوا تو ان کا جھوٹ پکڑا جائے گا اسی لیے وہ چھپ کر بیٹھی ہیں۔

تفصیلات کے مطابق ادکار وفنکار علی ظفر اور اہلیہ عائشہ نے اے آر وائی نیوز سے خصوصی گفتگو کرتے ہوئے کہا میشاشفیع نے جھوٹ بولا اور بار بار جھوٹ بولا ، میشاشفیع عدالت میں پیش نہیں ہورہی اور الزامات لگارہی ہیں۔

علی ظفر کا کہنا تھا میری فلم کاٹریلرریلیزہوتی ہوئی دھمکی آمیزٹوئٹ سامنےآیاتھا، ٹوئٹ میں کہاگیاتھاکہ دیکھناعلی ظفر کی فلم کیساتھ کیا کیا جائے گا،  سوشل میڈیا کو منظم طریقے سے استعمال کیاگیاہے، جعلی اکاؤنٹ کےذریعےمیری کردارکشی کی گئی، جعلی اکاؤنٹ سےٹوئٹ کی گئی وہ الزامات سےکچھ دن پہلےہی بنائےگئے، درخواست کرتاہوں جوغلط الزامات لگاتے ہیں، سائبر کرائم اور کرمنل معاملےکی تحقیقات ہونی چاہیے۔

انھوں نے کہا کل 2روز سے جاگاہوا تھا،جذبات پر ضبط نہ رکھ سکا، جو بھی کام کرتاہوں دل سےکرتاہوں اور ان میں کھوجاتاہوں، اسٹوڈیو سے آیا تھا اور ذہن میں بھی وہی سب کچھ چل رہا تھا، نگہت داد کہتی ہیں میشاشفیع کے ٹوئٹر اکاؤنٹ کوفالوکرتی ہوں، نگہت داد کےمتعلق مشہور ہے کہ انہوں نےفیک اکاؤنٹس کا سیل بنایا ہوا ہے۔

علی ظفر کا مزید کہنا تھا میشاشفیع نےجومیرےخلاف کیس کیاتھااس سےبری ہوچکاہوں، میرےخلاف منظم طریقےسےکرمنل ایکٹ کیاگیا، میشا کیخلاف ہتک عزت کاکیس دائرکیا، جس میں وہ پیش نہیں ہورہیں۔

ادکار علی ظفر نے کہا ایک کنسرٹ میں شرکت کیلئے4بجےجارہاتھا اورٹوئٹ سوا 4 بجے کیاگیا، کوشش تھی کنسرٹ میں شرکت سے پہلے ہی میرے خلاف ماحول بنایاجائے، یہ ساراکھیل میری فلم کیلئے کیاگیا لیکن معلوم نہیں تاخیرکیوں کی گئی، کنسرٹ میں شرکت کےبعدمیشاشفیع نے باقاعدہ شکریہ کا پیغام دیا۔

انھوں نے بتایا ایک ایپ کے سی ای او کو خاتون کے جھوٹےالزام پر عہدے سے ہٹایاگیا، میشاشفیع نے کہا جب اس سی ای او کو ہٹایا جاسکتاہے تو علی ظفر کچھ بھی نہیں، میشا جب چھوٹی تھیں اس وقت بھی افواہیں پھیلانےکی وجہ سے مشہور تھیں۔

علی ظفر نے میشا شفیع کو چیلنج کیا میشا ایک منٹ بھی عدالت یا کیمرے کےسامنے آئیں، ان سے سوال ہوا تو انکا جھوٹ پکڑا جائے گا اسی لیے وہ چھپ کر بیٹھی ہیں۔

ان کا کہنا تھا بات گھمانے کیلئےمخالفین نے انکے جملے کوپکڑااور ملالہ والی بات کو سیاق و سباق سےہٹ کرپیش کرنے کی کوشش کی گئی۔

علی ظفر نے کہا میرامقصد اس کیس کو منطقی انجام تک پہنچاناہے، چاہتاہوں آئندہ کوئی کسی پرغلط الزام نہ لگاسکے، میشا نے می ٹو مہم کو اپنے فائدہ کیلئے استعمال کیا، میشا نے جنسی ہراسگی کا سامناکرنے والی خواتین کونقصان پہنچایا۔

میں میشاشفیع کوکبھی معاف نہیں کروں گی، علی ظفر کی اہلیہ عائشہ


علی ظفر کی اہلیہ عائشہ نے پروگرام میں گفتگو کرتے ہوئے کہا علی ظفرپرغلط الزامات کااثرفیملی پربھی پڑاہے، 8سال کا بچہ تمام صورتحال دیکھ کر پریشان  ہورہاہے، گھرپرایسی صورتحال تھی جیسے کوئی فوتگی ہوگئی ہے۔

میشاکےالزامات سےفیملی بہت مشکل سے گزری،عائشہ علی میرےوالد دل کےمریض، مجھےہائی بلڈپریشر ہے،عائشہ میں میشاشفیع کوکبھی معاف نہیں کروں گی۔

عائشہ گفتگوکےدوران آبدیدہ ہوگئی اور کہا میشاسےاچھی دوستی تھی ، ان کوڈرامہ کرنےکی کیاضرورت تھی ، مسئلہ تھاتومیڈیاپرلانےکےبجائےمجھ سے بات کرتیں، میں  اور میشااسکول سےایک دوسرے کوجانتے ہیں۔

Comments

comments

یہ بھی پڑھیں