تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

میشا شفیع کے وکیل نے علی ظفرکے گواہوں پر جرح مکمل کرلی

لاہور: سیشن عدالت نے گلوکارہ میشا شفیع کے خلاف اداکار علی ظفر کے ہتک عزت کےدعوی کی سماعت 30 مئی تک ملتوی کردی، عدالت نےمیشا شفیع کے وکلا کو گواہوں پر جرح کے لیے طلب کرلیا۔

تفصیلات کے مطابق لاہور کے ایڈیشنل سیشن جج امجد علی شاہ نے میشا شفیع کے خلاف دائر دعوی کی سماعت کی،وکلاء ہڑتال کے باوجود علی ظفر کے وکلاء اور آٹھ گواہ عدالت پیش ہوئے،میشاشفیع کے وکیل نے کہا کہ وکلاء کی ہڑتال کے باعث آج جرح نہیں کرسکتے،علی ظفر کے گواہوں پرسماعت کےلئے اگلی تاریخ دے دی جائے۔

علی ظفر کے وکیل نے کہا کہ ان کےچار گواہ کراچی سے آئے ہیں ان پر آج ہی جرح مکمل کی جائے، ہڑتال کی وجہ سے ان گواہوں کو نہ لٹکایا جائے،عدالتی حکم پر میشا شفیع کے وکلاء نےعلی ظفرکے 5 گواہوں کے بیانات پر جرح مکمل کر لی،عدالت میں دو خواتین سمیت تین مرد گواہوں کے بیانات پر جرح مکمل کی گئی۔عدالت نےعلی ظفر کےمزید گواہوں کو30 مئی کو بحث کے لیے طلب کرلیا ہے۔

یاد رہے کہ گلوکارہ میشا شفیع کچھ عرصہ قبل نے گلوکار علی ظفر پر ہراساں کرنے کا الزام عائد کیا ہے، علی ظفر نے میشا شفیع کے ہراساں کرنے کے الزام کے خلاف سو کروڑ کا ہتک عزت کا دعوی دائر کررکھا ہے۔

گزشتہ سماعت پر علی ظفر کی جانب سے گلوکارہ میشا شفیع کو بھیجے جانے والے ہتکِ عزت دعوے کی سماعت لاہور سیشن کورٹ میں ہوئی  تھی جس میں مزید گلوکار کے مزید گواہان پیش ہوئے۔

عدالت میں علی ظفرکےحق میں 7گواہان نے بیان حلفی جمع کرایا جس میں بتایا گیا ہے کہ جیمنگ سیشن میں ہراسگی کا کوئی واقعہ پیش نہیں آیا، تمام وقت میشا اور علی ظفر ہماری نظروں کےسامنے ہی تھے۔

سیشن کورٹ نےآئندہ سماعت پرمیشا شفیع کےوکلا کو گواہان کے بیانِ حلفی پر جرح کے لیے طلب کرلیا۔ اس سے قبل 11 مئی کو علی ظفر کی پہلی گواہ ماڈل کنزہ منیز نے مجسٹریٹ کے سامنے پیش ہوکر بیان قلم بند کرایا تھا۔

ماڈل کنزہ کا کہنا تھا کہ میشا نے جس مقام پر علی ظفر کی جانب سے ہراساں کرنے کا الزام عائد کیا میں بھی اُس وقت اسٹوڈیو میں موجود تھی۔ انہوں نے عدالت کو آگاہ کیا کہ اسٹوڈیو میں کنسرٹ کی ریہرسل جاری تھی وہاں، میرے ، علی ظفر اور میشا سمیت 10 سے گیارہ لوگ موجود تھے۔

کنزہ نے عدالت کو بتایا کہ جب میشا اسٹوڈیو پہنچیں تو وہ علی ظفر سے گرمجوشی کے ساتھ ملیں اور ریہرسل مکمل ہونے کے بعد انہوں نے مسکراتے ہوئے علی ظفر کو الوداع کیا، ریہرسل کے دوران ویڈیو بھی بن رہی تھی اور دونوں ایک دوسرے سے چار پانچ فٹ فاصلے پر کھڑے ہوئے تھے۔

Comments

- Advertisement -
عابد خان
عابد خان
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں