لاہور : معروف گلوکار علی ظفر پنجاب کی گڑوی بجانے والی خواتین کے فن سے متاثر ہوئے بغیر نہ رہ سکے، سوشل میڈیا پر ان کے ساتھ ویڈیو شیئر کردی۔
اندرون لاہور کی ثقافت کا ہررنگ ہر انداز دیکھنے اور سننے والوں کو اپنے سحر میں جکڑ لیتا ہے، یہاں پر موسیقی اور گائیکی کے بھی کئی انداز اور روایات ہیں ان میں سے ایک روایت گڑوی بجانے کی بھی ہے۔
اس روایت میں ایک مخصوص گھرانے کی خواتین چھوٹی سی گڑوی اٹھائے اور اسے بہت مہارت سے بجاتے ہوئے مختلف گیت گاتی ہیں اور سننے والے ان سے خوش ہوکر انہیں اپنی خوشی سے کچھ پیسے دے دیتے ہیں جس سے ان کے گھر کا خرچہ چلتا ہے۔
They were brilliant and so are the new renovations in the inner walled city of Lahore. Must visit. https://t.co/gYaJoC3evU
— Ali Zafar (@AliZafarsays) February 15, 2021
پاکستان کے نامور اسٹار گلوکار علی ظفر بھی اندرون لاہور میں گڑوی بجانے والی خواتین سے متاثر ہوئے نہ رہ سکے، سماجی رابطے کی ویب سائٹ ٹوئٹر پر انہوں نے ایک ویڈیو شیئر کی جس میں کچھ خواتین ملکہ ترنم نورجہاں کا مشہور گیت "تیرے نال میں لائیاں اکھیاں” گا کر سنا رہی ہیں۔
مذکورہ ویڈیو میں دیکھا جاسکتا ہے کہ گلوکارعلی ظفر ان کے فن سے متاثر ہوئے اور ان کے گانے کی تعریف بھی کی، اپنے ٹوئٹر پیغام میں انہوں نے کہا کہ ان خواتین کا فن واقعی لاجواب ہے، اس کے علاوہ لاہور میں ہونے والے تزئین آرائش کا کام بھی بہت زبردست ہے اسے ضرور دیکھیں۔
