پاکستانی فنکار علی ظفر کو نئی بھارتی فلم میں چانس مل گیا -
The news is by your side.

Advertisement

پاکستانی فنکار علی ظفر کو نئی بھارتی فلم میں چانس مل گیا

ممبئی: کرن جوہر پروڈکشن کے تحت بننے والی نئی بھارتی فلم ’’ واک اینڈ ٹاک‘‘ میں پاکستانی فنکار و گلوکار علی ظفر کو کاسٹ کرلیا گیا۔

تفصیلات کے مطابق نئی آنے والی فلم میں بالی ووڈ کے کنگ خان مرکزی کردار ادا کررہے ہیں جبکہ خاتون اداکارہ کے لیے عالیہ بھٹ کو شامل کیا گیا ہے، اس فلم میں علی ظفر سائیڈ رول ادا کریں گے۔

فلم کے ہدایت کار کی نئی آنے والی فلم ’’ واک اینڈ ٹاک‘‘ میں ادتیہ رائے کپور، کنال کپور اور انگت بھیدی کو کاسٹ کیا گیا، اس فلم میں عالیہ بھٹ فلم میکر کے روپ میں جلوہ گر ہوں گی۔

بھارتی میڈیا کے مطابق اس فلم کا میوزک مکمل ہوچکا ہے اور یہ فلم ناظرین کے لیے رواں سال نومبر میں ریلیز کردی جائے گی۔

یاد رہے یہ پہلا موقع ہے کہ جب 22 سالہ بھارتی اداکارہ شاہ رخ خان کے ساتھ کسی بھی فلم میں جلوہ گر ہوں گی، فلم بینوں کی نظر میں 50 سالہ ہیرو کی اس جوڑی کو غیر روایتی قرار دیا جارہا ہے۔

ہدایتکار گورے سیندے نے تصدیق کی ہے کہ عالیہ بھٹ کا جوڑ اس فلم میں عجیب ضرور ہے مگر فلم کی کہانی کے مطابق انہیں کاسٹ کرنا اس سے بہتر آپشن نہیں تھا۔

واضح رہے کہ ہدایت کار گورے شیندے اس سے قبل بالی ووڈ کی مشہور فلم انگلش ونگلش بنا چکے ہیں جسے مداحوں نے کافی پسند کیا تھا۔

Comments

comments

یہ بھی پڑھیں