The news is by your side.

علی ظفر نے سیاست دانوں کو اہم مشورہ دے دیا

اپنی آواز سے سب پر سحر طاری کرنے والے پاکستان کے معروف گلوکار علی ظفر نے سیاست دانوں کو اہم مشورہ دیا ہے۔

سماجی رابطے کی ویب سائٹ ٹوئٹر پر علی ظفر نے کہا لکھا کہ میرا سیاست دانوں کو عاجزانہ مشورہ ہے کہ وہ اپنی دولت میں سے پانچ فیصد پاکستان کے لیے عطیہ کریں۔

علی ظفر نے کہا کہ سیاست دانوں کے ایسا کرنے سے قوم کو بھی اس کی ترغیب ملے گی کیوں کہ مثال سے رہنمائی ملتی ہے۔

گلوکار کے اس ٹوئٹ پر مداحوں نے تعریف کی اور اسے بہترین مشورہ قرار دیا جب کہ بعض صارفین نے ان پر تنقید کی اور کہا کہ یہ کام پہلے گھر سے شروع کیا جاتا ہے۔

اس سے قبل اداکار سلمان ثاقب شیخ عرف مانی نے ملک بچانے کے لیے حکومت کو مشورہ دیا تھا۔ انسٹا گرام پر انہوں نے اسٹوری پر لکھا تھا کہ پاکستان کو بچانے کا اب ایک ہی طریقہ ہے۔

مانی نے بتایا تھا کہ پاکستان 100 ممالک کے ساتھ 1 بلین ڈالرز کی کمیٹی ڈالے اور پہلی کمیٹی خود لے لے۔ اداکار کے مشورے پر عمل کرنے سے پاکستان کے زرمبادلہ کے ذخائر میں اضافہ ہوگا۔

Comments

یہ بھی پڑھیں