The news is by your side.

Advertisement

میشا شفیع کی غیر حاضری: عدالت نے وکیل کو نیا حکم جاری کردیا

لاہور : سیشن عدالت نے گلوکارعلی ظفر کی جانب سے داٸر کردہ ہتک عزت کیس میں میشا شفیع کی عدم پیشی پر  ان کے وکلاء سے جواب طلب کرلیا۔

تفصیل کی سیشن عدالت میں گلوکارہ میشا شفیع کو عدالت میں طلب کرنے کے لیے درخواست کی سماعت ہوئی، سیشن عدالت کے جج نے گلوکا رہ سمیت دیگر فریقین کے وکلاء سے جواب طلب کرلیا۔

سیشن عدالت نے وکلا کو یکم دسمبر تک جواب جمع کرانے کا حکم دیا ہے، اس موقع پر علی ظفر کے وکیل نےکہا کہ میشا شفیع عدالت میں پیش نہیں ہو رہیں۔

وکیل کا کہنا تھا کہ میشا شفیع نے ویڈیو لنک سے جرح کی درخواست دائر کر رکھی ہے جبکہ میشا شفیع آئندہ ہفتے کنسرٹ میں پرفارم کرنے دبئی جا رہی ہیں۔

درخواست گزار نے کہا کہ اگر میشا شفیع دبئی جا سکتی ہیں تو پاکستان آکر عدالت میں بھی پیش ہو سکتی ہیں ،لہٰذاعدالت میشا شفیع کو پیش ہونے کا حکم جاری کرے۔

یاد رہے کہ گلوکارہ میشا شفیع نے سماجی رابطے کی ویب سائٹ ٹویٹر پر لکھا تھا کہ میں 28 تاریخ کو دبئی ایکسپو میں کنسرٹ کے لیے آرہی ہوں۔

واضح رہے کہ علی ظفر کیس میں میشا شفیع عدالت کو مسلسل حاضری سے استثنیٰ کی درخواستیں دے چکی ہیں۔عدالت نے مستقل حاضری کی میشا شفیع کی درخواست بھی مسترد کردی تھی۔

عدالت نے انہیں بلایا تھا تو میشا شفیع نے کہا تھا کہ سفری اخراجات نہیں کرسکتی، علی ظفر کی جانب سے سفری اخراجات اٹھانے کی پیشکش پر بھی وہ عدالت میں پیش نہیں ہوئی تھیں۔

Comments

یہ بھی پڑھیں