لاہور: علی ظفر اور میشا شفیع ہراسگی تنازعے میں نیا موڑ آگیا، عینی شاہدین سامنے آگئے.
تفصیلات کے مطابق چشم دید گواہ کے بیانات نے کیس کا رخ یکسر بدل دیا. اے آروائی نیوز کے مارننگ شو میں بات کرتے عینی شاہدین نے جیمنگ کے دوران میشا کو ہراساں کرنے کے الزامات کو رد کر دیا.
میشا شفیع نے جیمنگ سیشن کے دوران علی ظفر پر ہراسگی کے الزامات لگائے تھے، البتہ اس سیشن میں موجود افراد اس کی تردید کرتے ہیں.
پروگرام "باخبر سویرا” میں میوزک پروڈیوسر اسد علی نے کہا کہ وہ دونوں فن کاروں کو جانتے ہیں، جیمنگ سیشن پر دونوں بہت خوش تھے، میشا کےالزامات میں صداقت نہیں.
موقع پر موجود ایک اور فن کار باقرعباس نےبتایا کہ میشا شفیع جیمنگ سیشن کے لئےآئیں، خوشگوار موڈ میں علی سے ملیں اور جاتے ہوئے بھی علی سےمل کر گئیں، گلوکارہ اقصیٰ علی نے کہا کہ جیمنگ سیشن خوشگوار ماحول میں ہوا.
تینوں فن کاروں کا کہنا تھا کہ وہ کسی کے حق میں یہ کسی کے خلاف نہیں، بلکہ وہی بیان کر رہے ہیں، جو انھوں نے دیکھا.
خیال رہے کہ میشا شفیع نےعلی ظفرپر جنسی ہراساں کاالزام عائد کیاتھا جس کے بعد یہ معاملہ عدالت میں زیرسماعت ہے۔
