The news is by your side.

Advertisement

علی ظفر عدالت میں پیش، میشا شفیع غائب، اسٹار کا قانونی جنگ جاری رکھنے کا اعلان

لاہور: معروف اداکار علی ظفر نے کہا ہے کہ وہ حق پر ہیں، ان کی ساکھ کو نقصان پہنچایا گیا، میشا شفیع  کو ازالہ کرنا ہوگا.

تفصیلات کے مطابق علی ظفر پر ہراسگی کا الزام لگانے والی میشا شفیع آج پھر  عدالت میں پیش نہیں ہوئیں، علی ظفر اہلیہ کے ساتھ آئے.

لاہور کی سول عدالت میں گلوکار علی ظفر کے ہتک عزت کے دعوے کی سماعت ہوئی، دو خاتون گواہان نے بیانات قلم بند کرائے.

سماعت کے بعد میڈیا سے گفتگو کرتے ہوئے علی ظفر نے کہا کہ میشا شفیع لابی کے ساتھ مل کر ذاتی فائدے کے لیے ان کی عزت اچھال رہی ہے، وہ حق پر ہیں، امید ہے عدالت سے انصاف ملے گا۔

انھوں نے کہا کہ میشا شفیع کی جانب سے دائر جھوٹے کیسز خارج ہو چکے ہیں، وہ ایک سال سے ذہنی اور مالی اذیت سے گزر رہے ہیں، ساکھ کو نقصان پہنچایا گیا اور وہ ازالہ چاہتے ہیں۔

مزید پڑھیں: سپر اسٹار علی ظفر نے انسان کے سب سے بڑے دشمن کا نام بتا دیا

انھوں نے مزید کہا کہ پوری زندگی ملک اور قوم کی خدمت کی، جس کا صلہ ان کی ساکھ کو نقصان پہنچا کر دیا جا رہا ہے۔

سوشل میڈیا پر بے شمار جعلی اکاؤنٹس کے ذریعے ان کی ساکھ کو نقصان پہنچایا گیا، وہ انصاف کے حصول تک قانونی جنگ جاری رکھیں گے، میشا شفیع کینیڈا کی امیگریشن کے بعد ملالہ یوسف زئی بننا چاہتی ہے۔

خیال رہے کہ میشا شفیع کے ہراسگی کے کیسز خارج کر دیے گئے ہیں، جب کہ علی ظفر کی جانب سے سو کروڑ کا ہتک عزت کا دعویٰ کیا گیا ہے.

Comments

comments

یہ بھی پڑھیں