لاہور : معروف گلوکارو اداکار علی ظفر نے مرحوم جنید جمشید کو ان کا گانا ‘اعتبار’ گا کر خوبصورت اندازمیں خراج تحسین پیش کیا اور مداحوں کی اداسی دورکرنے کی کوشش کی۔
تفصیلات کے مطابق معروف گلوکارو اداکارعلی ظفر نے سماجی رابطے کی ویب سائٹ ٹوئٹر پر ایک ویڈیو شیئر کی ، جس میں انھوں نے مرحوم جنید جمشیدکو خوبصورت اندازمیں خراج تحسین پیش کیا۔
علی ظفرنے مداحوں کیلئے اپنے پیغام میں لکھا کہ کہ اگر آپ پریشان ہیں تو آپ کو خوش کرنے کے لیے ایک چھوٹی سی چیز ہے۔
علی ظفر نے گیت ‘اعتبار’ کے بارے میں بتاتے ہوئے کہا کہ یہ گیت میرے پسندیدہ فنکار اور بینڈ ‘وائٹل سائنز‘ کا ہے جسے شعیب منصور نے لکھا ہے۔
Are you feeling down? Here’s a little something to cheer you up. In remembrance of the great late @JunaidJamshedPK. #JunaidJamshed #VitalSigns #ShoaibMansoor pic.twitter.com/t1Ai0us2EC
— Ali Zafar (@AliZafarsays) July 3, 2020
یاد رہے معروف پاکستانی گلوکار علی ظفر نے کراچی آرٹس کونسل کے ساتھ مل کر فنکاروں کی مدد کا اعلان کیا تھا ، اپنے ویڈیو پیغام میں صدر مملکت ڈاکٹر عارف علوی سے اپیل کی تھی کہ ’کرونا کے باعث سے شوبز فنکار کام نہ ہونے کی وجہ سے مشکلات کا شکار ہیں، شوز ہوتے ہیں تو اسٹیج لگتا ہے اور مداح آتے ہیں لیکن کرونا کی وجہ سے یہ سب بند ہوچکا ہے۔